រាជធានីភ្នំពេញ ៖ ក្រុមការងារចរចារវាងគណបក្សប្រជាជនកម្ពុជា ( CPP ) និង គណបក្សសង្គ្រោះជាតិ ( CNRP ) បានបើកការជជែកគ្នាបន្តទៀតលើចំណុចដែលសេសសល់មិនទាន់ព្រមព្រៀងគ្នាលើសេចក្តីស្នើវិសោធនកម្មច្បាប់បោះឆ្នោត ។
ការពិភាក្សាគ្នានេះ បាននិងកំពុងប្រព្រឹត្តទៅនៅម៉ោង៣រសៀលថ្ងៃទី០៩ កុម្ភៈ ២០១៥ នៅវិមានរដ្ឋសភាជាតិ ដែលភាគីខាងគណបក្សប្រជាជនកម្ពុជាដឹកនំាដោយលោកឧបនាយករដ្ឋមន្រ្តី ប៊ិន ឈិន និងខាងគណបក្សសង្គ្រោះជាតិដឹកនំាដោយលោកតំណាងរាស្រ្ត គួយ ប៊ុនរឿន ។
គួរបញ្ជាក់ថា រយៈពេលជាច្រើនសប្តាហ៍មកហើយភាគីទំាងពីរបានជជែកគ្នាដល់ជំពូកទី៨ក្នុងចំណោម១២ជំពូកនៃច្បាប់បោះឆ្នោត ហើយចំណុចសេសសល់ដែលភាគីទំាងពីរមិនទាន់ឯកភាពគ្នានោះទាក់ទងទៅនឹងការកំណត់ចំនួនថ្ងៃឃោសនាបោះឆ្នោត ការកំណត់អត្តសញ្ញាណអ្នកចុះឈ្មោះបោះឆ្នោតនិងការបញ្ចេញមតិរបស់ក្រុមសង្គមស៊ីវិលទៅលើបេក្ខភាពតំណាងរាស្រ្តរបស់គណបក្សនយោបាយដែលចូលរួមប្រកួតប្រជែងនោះជាដើម ៕
ចែករំលែកព័តមាននេះ