ខេត្តក្រចេះ ៖ ជនសង្ស័យពីរនាក់ ដែលបានធ្វើសកម្មភាពលួចក្របីរបស់អ្នកស្រុកទាំងក្រោលដឹកលើរថយន្តដឹកចេញទាំងយប់ ត្រូវនគរបាលស្រុកចិត្របុរី បញ្ជូនខ្លួនមកកាន់ សាលាដំបូងខេត្ត នៅព្រឹកថ្ងៃទី១ កុម្ភៈ
ខេត្តក្រចេះ ៖ ជនសង្ស័យពីរនាក់ ដែលបានធ្វើសកម្មភាពលួចក្របីរបស់អ្នកស្រុកទាំងក្រោលដឹកលើរថយន្តដឹកចេញទាំងយប់ ត្រូវនគរបាលស្រុកចិត្របុរី បញ្ជូនខ្លួនមកកាន់សាលាដំបូងខេត្ត នៅព្រឹកថ្ងៃទី០១ កុម្ភៈ ២០១៥ បន្ទាប់ពីមានការចាប់ឃាត់ខ្លួនបានរយៈពេល២ថ្ងៃរួចមក។
ប៉ូលិសបានបញ្ជាក់អត្តសញ្ញាណថា ក្រុមចោរឆ្លងដែនទាំងពីរនាក់នេះ ម្នាក់ឈ្មោះពុយ ឈុន អាយុ៤៤ឆ្នាំ និងម្នាក់ទៀតឈ្មោះសឿន ធី អាយុ៤៦ឆ្នាំ មានទីលំនៅភូមិចំបក់ ឃុំរូង ស្រុកមេម៉ត់ ខេត្តត្បូងឃ្មុំ។
អធិការនគរបាលស្រុកចិត្របុរី លោកវរសេនីយ៍ត្រី យ៉ាន់ ហៀង បានឲ្យដឹងថា កាលពីយប់ថ្ងៃទី៣០ មករា ២០១៥ ជនសង្ស័យទាំងពីរនាក់ បានធ្វើសកម្មភាពលួចក្របីដែលអ្នកភូមិចងក្នុងក្រោលតែមួយ បន្ទាប់ពីធ្វើសកម្មភាពដឹកចេញរួចមក ពួកគេបានដឹកក្របីទាំងនោះឡើងរថយន្តកូរ៉េមួយគ្រឿង និងបានបើកចេញឆ្ពោះមកកាន់ផ្លូវជាតិ ។ ក្របីទាំងនេះ មានចំនួន៨ក្បាល ក្នុងនោះឈ្មោល៤ក្បាល ដែលមានម្ចាស់ចំនួន៣នាក់ យកមកចងក្នុងក្រោលតែមួយ នៅខាងក្រោយភូមិកាកុដ ឃុំសំបុក ស្រុកចិត្របុរី ក៏ត្រូវបាននគរបាលយកប្រគល់ទៅឲ្យម្ចាស់វិញ បន្ទាប់ពីចាប់ឃាត់បាន។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ