ឆេះគំនរកំទេចរណារោងចក្រក្តារបន្ទះនៅកំពង់ចាម
ខេត្តកំពង់ចាម ៖ កំទេចអាចម៏រណាគរដូចភ្នំ ស្ថិតក្នុងបរិវេណរោងចក្រក្តារបន្ទះ នៅភូមិស្រឡៅ ឃុំអំពិល ស្រុកកំពង់សៀម បានឆេះផ្សែងហុយទ្រលោមទៅលើអាកាស បង្កឲ្យមានការភ្ញាក់ផ្អើលដល់កម្មករ
ខេត្តកំពង់ចាម ៖ កំទេចអាចម៏រណាគរដូចភ្នំ ស្ថិតក្នុងបរិវេណរោងចក្រក្តារបន្ទះ នៅភូមិស្រឡៅ ឃុំអំពិល ស្រុកកំពង់សៀម បានឆេះផ្សែងហុយទ្រលោមទៅលើអាកាស បង្កឲ្យមានការភ្ញាក់ផ្អើលដល់កម្មករ
ខេត្តកំពង់ចាម ៖ កំទេចអាចម៏រណាគរដូចភ្នំ ស្ថិតក្នុងបរិវេណរោងចក្រក្តារបន្ទះ នៅភូមិស្រឡៅ ឃុំអំពិល ស្រុកកំពង់សៀម បានឆេះផ្សែងហុយទ្រលោមទៅលើអាកាស បង្កឲ្យមានការភ្ញាក់ផ្អើលដល់កម្មករ និងរថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត២គ្រឿងចេញទៅអន្តរាគមន៏បាញ់ទឹកពន្លត់ ។ ហេតុការណ៏នេះកើតឡើងកាលពីវេលាម៉ោង១ និង៤០នាទីរសៀល ថ្ងៃទី៣១ ខែមករា
ឆ្នាំ២០១៥ ដោយបានធ្វើឲ្យភ្លើងរលត់ទាំងស្រុង ប្រើប្រាស់ទឹកអស់ជិត១០រថយន្តផងដែរ ។
លោកវរសេនីយ៏ទោ យ៉ន ឌីន នាយការិយាល័យពន្លត់អគ្គិភ័យ នៃស្នងការដ្ឋាននគរបាលខេត្តបានប្រាប់ឲ្យដឹងថា នៅពេលដែលមានគ្រោះអគ្គិភ័យកើតឡើង នៅក្នុងបរិវេណរោងចក្រក្តារបន្ទះជិតភ្នំប្រុស-ភ្នំស្រី ត្រូវបានលោកឧត្តមសេនីយ៏ត្រី បែន រ័ត្ន ស្នងការនគរបាលខេត្ត បានបញ្ជារូបលោកឲ្យចេញរថយន្តទៅជួយអន្តរាគមន៏ជាបន្ទាន់ ។
លោកវរសេនីយ៏ទោយ៉ន ឌីន នាយការិយាល័យពន្លត់អគ្គិភ័យខេត្ត ប្រាប់បន្តថា ក្នុងពេលដែលមានហេតុការណ៏ខាងលើ រូបលោក បានដឹកនាំរថយន្តពន្លត់អគ្គីភ័យចំនួន២គ្រឿង ចេញទៅជាបន្ទាន់ ដោយបានបាញ់ទឹកពន្លត់លើគំនរអាចម៍រណា ដែលកំពុងតែឆេះហុយជាផ្សែងឡើងទ្រលោមទៅលើអាកាស ។
លោកថា ជាមួយនោះក្រុមកម្មកររោងចក្រក្តារបន្ទះជាច្រើននាក់បាននាំគ្នាតទុយោទឹកទៅបាញ់លើភ្លើងយ៉ាងសស្រាក់សស្រាំ រហូតដល់វេលាម៉ោងជា៣រសៀលថ្ងៃដដែល ដោយបានប្រើប្រាស់ទឹកអស់ចំនួន៧រថយន្ត បានទប់ស្កាត់រហូតដល់ភ្លើងបានរលត់ទាំងស្រុង ។
គួរបញ្ជាក់ថា មិនមាននរណាម្នាក់រងគ្រោះដោយអគ្ញិភ័យនេះទេ ។ ចំពោះមូលហេតុដែលនាំឲ្យកើតមានគ្រោះអគ្គីភ័យឆេះអាចម៏
រណានេះគឺមកពីកម្មករដុតកំទេចឈើចាស់ៗចោល ទំនងជាភ្លេចពន្លត់ក៏បណ្តាលឲ្យឆេះរាលដាលទៅដល់គំនរកំទេចអាចម៍រណាតែម្តង ។
ចំនែកលោកវរសេនីយ៏ទោ ប៉ាក ជាតិ អធិការនគរបាលស្រុកកំពង់សៀមវិញប្រាប់ឲ្យដឹងដែរថាប្រសិនណាបើរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តចេញទៅជួយអន្តរាគមន៏មិនទាន់ទេនោះ គំនរកំទេចអាចម៍រណានោះអាចនឹងឆេះរាលដាលធំ បង្កជាផ្សែងហុយទ្រលោមប៉ះពាល់ដល់ផ្លូវដង្ហើមរបស់កម្មករផងដែរ ។ ហេតុដូច្នេះហើយទើបលោកស្នងការនគរបាលខេត្តបញ្ជាឲ្យរថយន្ត២គ្រឿងចេញទៅជួយអន្តរាគមន៏ទាន់ពេលវេលា ៕
ចែករំលែកព័តមាននេះ