រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែកបើករថយន្តកូរ៉ឡាមួយគ្រឿងជ្រុលចង្កូតទៅបុកចំពីមុខម៉ូតូវ៉េវមួយគ្រឿងកំពុងបើកឌុបគ្នាចេញពីក្លឹបកម្សាន្ត បណ្តាលឱ្យយុវជនជាអ្នកបើកម៉ូតូរបួសបាក់ជើងខាងឆ្វេង និងយុវជនរូមដំណើររបួសបែកមុខបែកមាត់ ចំណែករថយន្តបង្កបានបើកគេចហើយក៏បានបើកទៅបុកបង្គោលភ្លើងបំភ្លឺផ្លូវទ្រេត ធ្លាក់អំពូលបែកខ្ចាយពេញផ្លូវ ។ ហេតុការណ៍នេះកើតឡើងកាលពីវេលាម៉ោង១២អាធ្រាត្រ ថ្ងៃទី១ កមុភ្ភៈ ២០១៥ នៅចំណុចទល់មុខក្លឹបកម្សាន្ត ប៊ូស ស្ថិតក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកូរ៉ូឡា ពណ៌សម្បកឪឡឹក មួយគ្រឿង ពាក់ស្លាកលេខភ្នំពេញ2I-6463 បើកដោយបុរសម្នាក់ស្រវឹងស្រាជោគជាំ បានបើកបរធ្វើដំណើរតាមផ្លូវណតប្រ៊ីត ក្នុងទិសដៅពីត្បូងទៅជើងខណៈមកដល់ចំណុចកើតហេតុ រថយន្តកូរ៉ូឡាក៏បានបើកជ្រុលចង្កូតទៅបុកម៉ូតូវ៉េវ មួយគ្រឿង អត់ស្លាកលេខជិះដោយយុវជនពីរ បានបើកឌុបគ្នាចេញពីក្លឹបកម្សាន្តប៊ូស ចំពីមុខពេញទំហឹងបណ្តាលឱ្យយុវជនជាអ្នកបើកម៉ូតូរបួសបាក់ជើងខាងឆ្វេង និងយុវជនរូមដំណើររបួសបែកមុខបែកមាត់ ។ ចំណែករថយន្តបង្កបានបើកគេចបានមួយគីឡួម៉ែត្រហើយក៏បានបើកទៅបុកបង្គោលភ្លើងបំភ្លឺផ្លូវនៅក្បែររបងស្ថានីយ៍ទូរទស្សន៍អាស៊ីអាគ្នេយ៍ទប់មុខភោជនីយដ្ឋានអង្គរជុំមិត្តបណ្តាលឱ្យបង្គោលភ្លើងទ្រេត ធ្លាក់អំពូលបែកខ្ចាយពេញផ្លូវ ហើយរថយន្តបង្កបានខ្ទេចខូចខាតមួយកំណាត់មុខបើកទៅមុខលែងរួច ។
ក្រោួពេលកើតហេតុយុវជនរងគ្រោះត្រូវបានគេបញ្ជូនទៅសង្រ្គោះនៅមន្ទីរពេទ្យព្រះកុមៈ នៅនឹងកន្លែងកើតហេតុក្រុមគ្រួសាររងគ្រោះបានបវាយបែកកញ្ចក់រថយន្តបង្កព្រោះតែខឹងរឿងស្រវឹងបើករថយន្តបុកសមាជិកគ្រួសារគាត់ឱ្យរបួស ។ សមត្ថកិច្ចបានជួយអន្តរាគមន៍សម្របសម្រួល និងបានយករថយន្តបង្ក និង ម៉ូតូយុវជនរងគ្រោះទៅកាន់ការរិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយគ្នាតាមនិតិវិធីច្បាប់ ។
ចែករំលែកព័តមាននេះ