ខេត្តបន្ទាយមានជ័យ ៖ បុរសម្នាក់បានគាំងបេះដូងស្លាប់នៅក្នុងបន្ទប់ជួលក្នុងផ្សាររុងក្លឿរ ស្រុកអារញ្ញប្រាថេប ខេត្តស្រះកែវ ប្រទេសថៃ ហេតុការណ៍នេះកាលវេលាម៉ោង៣ទៀបភ្លឺ ឈានចូលថ្ងៃទី៣០ ខែមករា ឆ្នាំ២០១៥ និងបញ្ជូនតាមច្រកទ្វារអន្តរជាតិប៉ោយប៉ែត នៅល្ងាចថ្ងៃកើតហេតុដដែល ។
បើតាមប្រភពពីមន្ត្រីទំនាក់ទំនងព្រំដែនកម្ពុជា-ថៃ បានប្រាប់ឱ្យដឹងនៅព្រឹកថ្ងៃទី៣១ ខែមករា ឆ្នាំ២០១៥នេះថា ក្រោយពីបានទទួលព័ត៌មានភ្លាម ខាងមន្ត្រីជំនាញកម្ពុជា បានសហការណ៍ជាមួយមន្ត្រីជំនាញថៃចុះទៅត្រួតពិនិត្យ និងធ្វើកោសល្យវិច័យសាកសពរងគ្រោះខាងលើ ។ ក្រោយពីធ្វើកោសល្យវិច័យសមត្ថកិច្ចជំនាញទាំង២ បានសន្និដ្ឋានថាសពរងគ្រោះខាងលើនេះពិតជាបានស្លាប់ដោយសាររោគគាំងបេះដូងពិតមែន និងគ្មានស្នាកស្នាមអ្វីពាក់ព័ន្ធនិងអំពើរឃាតកម្មអ្វីនោះទេ។
សមត្ថកិច្ចទំនាក់ទំនងព្រំដែនកម្ពុជា-ថៃ បានបន្តថា សពរងគ្រោះខាងលើនេះមានឈ្មោះ នុត ចាន់សេង ភេទប្រុស អាយុ៣៥ មានស្រុកកំណើតនៅភូមិទួលទ្រា ឃុំជប់ ខេត្តត្បូងឃ្មុំ ហើយបានប្រគល់ឱ្យក្រុមគ្រួសារសាច់ញាតិយកសាកសពជនរងគ្រោះទៅកាន់ស្រុកកំណើតដើម្បីធ្វើបុណ្យតាមប្រពៃណី។
ចែករំលែកព័តមាននេះ