ខេត្តតាកែវ៖ ក្មេងស្ទាវមិនទាន់ជ្រុះពន្លៃពីក្បាលម្នាក់ត្រូវបានប៉ូលិសស្រុកបុរីជលសាចាប់ខ្លួនតាមពាក្យបណ្តឹងរបស់អាណាព្យាបាលកុមារីរងគ្រោះ ដោយចោទប្រកាន់ពីបទរំលោភសេពសន្ថវៈរហូតបានសម្រេច ខណៈពេលជនល្មើសហៅកុមារីរងគ្រោះមកផ្ទះរបស់ខ្លួនដើម្បីហូបអំពិលទុំ។
ហេតុការណ៍ចាប់រំលោភនេះបានកើតឡើងកាលពីវេលាម៉ោង២ និង៣០នាទីរសៀល ថ្ងៃទី២៨ មករា ២០១៥ ស្ថិតនៅភូមិជ្រៃគោកពោធិ ឃុំគោកពោធិ ស្រុកបុរីជលសា។
ប៉ូលិសស្រុកជលសាបានឱ្យដឹងថា ជនសង្ស័យជាក្មេងស្ទាវដែលត្រូវចាប់ខ្លួនឈ្មោះចាយ វន់ ភេទប្រុស អាយុ១៦ឆ្នាំ រស់នៅភូមិ-ឃុំខាងលើ ចំណែកកុមារីរងគ្រោះមានអាយុ៦ឆ្នាំ។ ប៉ូលិសបានបន្តថា មុនពេលកើតហេតុជនសង្ស័យបានហៅក្មេងស្រីរងគ្រោះដែលមានផ្ទះនៅក្បែរគ្នាមកផ្ទះរបស់គេហូបអំពិលទុំ ពេលកុមារីទៅដល់ហូបអំពិលទុំអស់មួយកួរ ឃើញឱកាសល្អជនសង្ស័យបានធ្វើសកម្មភាពចាប់រំលោភសេពសន្ថវៈរហូតបានសម្រេច ពេលនោះកុមារីរងគ្រោះបានស្រែកយំយ៉ាងខ្លាំង ហើយរត់ទៅប្រាប់យាយរបស់នាងនៅឯផ្ទះពីដំណើររឿងរួច លោកយាយក៏បាននាំចៅស្រីទៅប្តឹងប៉ូលិសប៉ុស្តិ៍រដ្ឋបាលឃុំដែលនៅក្បែរនោះឱ្យចាប់ខ្លួនជនសង្ស័យតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ