ព្រះមហាក្សត្រថ្មោងថ្មីរបស់អារ៉ាប៊ីសាអ៊ូឌីត កាលពីថ្ងៃទី២៩ មករា ក្នុងការរុះរើសំខាន់មួយ ប្រកាសដកតំណែងបុត្រា២អង្គរបស់ស្តេចមុន ចេញពីតំណែង។ ការដកហូតនេះ ធ្វើឡើងតែ១សប្តាហ៍
ព្រះមហាក្សត្រថ្មោងថ្មីរបស់អារ៉ាប៊ីសាអ៊ូឌីត កាលពីថ្ងៃទី២៩ មករា ក្នុងការរុះរើសំខាន់មួយ ប្រកាសដកតំណែងបុត្រា២អង្គរបស់ស្តេចមុន ចេញពីតំណែង។ ការដកហូតនេះ ធ្វើឡើងតែ១សប្តាហ៍ក្រោយព្រះអង្គឡើងគ្រងរាជ្យបល្ល័ង្ក បន្ទាប់ពីព្រះមហាក្សត្រអាប់ដាល់ឡាហ៍ ជាព្រះរាមមាតាទីទៃ សោយទិវង្គត ។
ព្រះមហាក្សត្រថ្មី សាល់ម៉ាន ព្រះជន្ម៧៩ព្រះវស្សា បានប្រកាសបង្កើតរដ្ឋាភិបាលមួយ មានសមាជិក៣១រូប ដោយរក្សាទុកជាពិសេសរដ្ឋមន្ត្រីក្រសួងប្រេងកាត លោក អាលី អាល់នូអាអីុមី រដ្ឋមន្ត្រីការបរទេស លោក សាអ៊ូដ អាល់ហ្វៃសាល់ និងរដ្ឋមន្ត្រីហិរញ្ញវត្ថុ លោក អីុប្រាហ៊ីម អាល់អាស់សាហ្វ ។ ព្រះអង្គម្ចាស់ មីសាអាល់ អភិបាលតំបន់ឡាម៉ិច និងព្រះអង្គម្ចាស់តួកគី អភិបាលក្រុងរីយ៉ាដ ត្រូវដកហូតតំណែង ចំណែកបុត្រា១អង្គទៀតរបស់ព្រះចៅអាប់ដាប់ឡាហ៍ ព្រះអង្គម្ចាស់ មឺទេព នៅរក្សាតំណែងរដ្ឋមន្ត្រីទទួលបន្ទុកកងឆ្មាំជាតិ ។
ប្រមុខផ្នែកស៊ើបការណ៍ ព្រះអង្គម្ចាស់ខាលីដ ប៊ីន បានដាប៊ីន អាប់ដែល អាហ្ស៊ីស អាល់សាអ៊ូដ ក៏ត្រូវដកហូតចេញពីតំណែងដែរ ។
ព្រះរាជក្រឹត្យមួយទៀត បានដំឡើងឋានៈរបស់ព្រះអង្គម្ចាស់ បានដា ប៊ីនស៊ុលតង់ ក្មួយប្រុសព្រះចៅ អាប់ដាល់ឡាហ៍ ជាអគ្គលេខាធិការក្រុមប្រឹក្សាសន្តិសុខជាតិ និងជាទីប្រឹក្សាព្រះមហាក្សត្រ ៕
ចែករំលែកព័តមាននេះ