តូចចិត្តនឹងវាសនា យុវជនម្នាក់ចង.កធ្វើអត្តឃាតតែមិនបានសម្រេច
ខេត្តស្វាយរៀង ៖ យុវជនម្នាក់បានសម្រេចចិត្តចង.កធ្វើអត្តឃាតដោយមិនដឹងមូលហេតុ បង្កឱ្យភ្ញាក់ផ្អើលកាលពីវេលាម៉ោង០៧ព្រឹក
ខេត្តស្វាយរៀង ៖ យុវជនម្នាក់បានសម្រេចចិត្តចង.កធ្វើអត្តឃាតដោយមិនដឹងមូលហេតុ បង្កឱ្យភ្ញាក់ផ្អើលកាលពីវេលាម៉ោង០៧ព្រឹកថ្ងៃទី៣០ មករា ២០១៥ នេះ ស្ថិតនៅភូមិតាស្អាង ឃុំកំពង់ចំឡង ស្រុកស្វាយជ្រំ ។
ទាក់ទិនហេតុការណ៍ខាងលើ ត្រូវស្ត្រីជាម្តាយរៀបរាប់ទាំងទឹកភ្នែកថា គាត់ជាស្ត្រីមេម៉ាយកូន៣នាក់ កូនច្បងបានរៀបការហើយ រូបគាត់ទៅរស់នៅជាមួយកូនប្រុស២នាក់នៅភូមិកើតហេតុខាងលើ ហើយកូនដែលចង.កធ្វើអត្តឃាតខ្លួនឯងជាកូនទី២ឈ្មោះមាសតុលា អាយុ២២ឆ្នាំ រៀនបានត្រឹមថ្នាក់ទី១០ នៅវិទ្យាលយ័ស្វាយរៀង ។
ប្រភពបន្តថា ដោយជីវភាពគ្រួសារក្រីក្រ ក៏សម្រេចចិត្តឱ្យកូនឈប់រៀន ហើយឱ្យទៅរកការងារធ្វើនៅរាជធានីភ្នំពេញ គឺធ្វើការនៅរោងចក្ររយៈពេល១ឆ្នាំ ក៏ត្រឡប់មកផ្ទះវិញបាន១ខែមកហើយ មិនព្រមទៅធ្វើការឯណាសោះ ចេះតែអង្គុយសំឡឹងមើលកូនសិស្សគេជិះកង់ទៅរៀន ជាពិសេសមិត្តភក្តិដែលធ្លាប់រៀនជាមួយគ្នា ហើយមិននិយាយស្តីអ្វីសោះសង្ស័យថា ក្រែងត្រូវអំពើ ឬមានកំរោលចូល ក៏ទៅប្រាប់កូនច្បងថា ឱ្យមកយកប្អូនទៅស្រោចទឹកដោយសង្កេតឃើញថា កូនចេះតែអង្គុយសំកុកមិននិយាយស្តីអ្វីសោះមុខក្រៀមក្រំ។
ប្រភពបន្តទៀតថា នៅព្រឹកកើតហេតុ ស្ត្រីជាម្តាយបានទៅបោកខោអាវនៅអណ្តូងទឹកមុខផ្ទះ លុះមួយម៉ោងក្រោយមក មិនឃើញកូនចុះមកពីលើផ្ទះ ក៏មានការសង្ស័យក៏ឡើងទៅលើផ្ទះ ស្រាប់តែឃើញកូនប្រុសយកខ្សែអង្រឹងចង.កទៅនឹងននងផ្ទះ ក៏ស្ទុះទៅអោបជើងកូន រួចលើកឡើងស្រែកហៅឱ្យអ្នកជិតខាងមកជួយ និងឡើងស្រាយខ្សែ ហើយប្រញាប់ប្រញាល់ហៅរថយន្តសាមុយដឹកមកកាន់មន្ទីរពេទ្យខេត្ត ដើម្បីសង្គ្រោះភ្លាមៗ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ