រាជធានីភ្នំពេញ ៖ នៅក្នុងជំនួបពិភាក្សានៅវិមានមិត្តភាពនៃទីស្តីការគណៈរដ្ឋមន្ត្រីនៅថ្ងៃទី២៩ មករា ២០១៥ រវាងលោកបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ជាមួយលោក Pospelov Sergey Valerievich ប្រធានទីភ្នាក់ងារសហពន្ធ័សម្រាប់កិច្ចការយុវជនរុស្ស៊ី ភាគីទាំងពីរផ្តោតការយកចិត្តទុកដាក់ជម្រុញលើការបង្កើនកិច្ចសហប្រតិបត្តិការបន្ថែមទៀត រវាងយុវជនប្រទេសទាំង២ឱ្យបានកាន់តែល្អប្រសើរ ជាមួយគ្នាបន្ថែមទៀតលើការកសាងទំនាក់ទំនងលើគ្រប់វិស័យជាមួយគ្នា ។
លោកឧបនាយករដ្ឋមន្ត្រី សុខ អាន មានប្រសាសន៍ថា រាជរដ្ឋាភិបាលកម្ពុជាបានយកចិត្តទុកដាក់យ៉ាងខ្លាំងចំពោះយុវជនដោយបានចាត់ទុកយុវជន គឺជាទំពាំងស្នងប្ញស្សីរបស់ប្រទេសជាតិទៅអនាគត ។ លោកក៏បានលើកទឹកចិត្តឱ្យយុវជននៃប្រទេសទាំង២បង្កើននូវទំនាក់ទំនងទ្វេភាគីឱ្យបានកាន់តែរឹងមាំថែមទៀត តាមរយៈការរៀបចំឱ្យមានកម្មវិធីផ្លាស់ប្តូរទស្សនកិច្ចសិក្សារវាងយុវជន ឬមន្ត្រីកម្ពុជា ទៅកាន់ប្រទេសរុស្ស៊ី និងពីរុស្សីមកកាន់កម្ពុជា ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ