ខេត្តព្រះវិហារ ៖ បុរសជាបក្សពួកនិងគ្នា៣នាក់ ជាប់ចោទពីបទហិង្សាដោយចេតនា ខណៈដែលពួកគេ ចេញពីច្រៀងខារ៉ាអូខេ ព្រួតគ្នាស្ទាក់កាប់ក្បាលបុរសម្នាក់របួសក្បាលធ្ងន់ធ្ងរខណៈមានជម្លោះពាក្យសម្តីគ្នា ពេលចូលទៅច្រៀងខារ៉ាអូខេ មួយកន្លែងឋិតក្នុង ភូមិស្រយ៉ង់ជើង ឃុំស្រយ៉ង់ ស្រុកគូលែន ខេត្តព្រះវិហារ កាលពីនៅយប់ថ្ងៃទី២៧ មករា ឆ្នាំ២០១៥ ។
តាមលោកអនុសេនីយ៍ឯក សួន វឿត នាយការិយាល័យស្រាវជ្រាវបទល្មើសព្រហ្មទណ្ឌ នៃបញ្ជាការដ្ឋានកងរាជាអាវុធហត្ថខេត្តព្រះវិហារឲ្យដឹងថាជនរងគ្រោះឈ្មោះ ហ៊ុន ស៊ាងហៃ ភេទប្រុស អាយុ២៨ឆ្នាំ រស់នៅភូមិស្រយ៉ង់ជើង ឃុំស្រយ៉ង់ ស្រុកគូលែន ខេត្តព្រះវិហារ ត្រូវក្រុមបក្សពួក៤នាក់ស្ទាក់កាប់១ពូថៅ ខណៈដែលជនរងគ្រោះចូលទៅច្រៀងខារ៉ាអូខេ នៅភូមិឃុំ កើតហេតុលើ នៅយប់ថ្ងៃទី២៧ ឆ្នាំ២០១៥ មករា ឈ្មោះ ហ៊ុន ស៊ាងហៃ ជាមួយជនល្មើសខាងលើមិនដែលស្គាល់គ្នាពីមុនមកនោះទេ ក្រោយពីច្រៀងខារ៉ាអូខេចប់ជនរងគ្រោះក៏បានគិតលុយរួចដើរចេញមកក៏ឃើញបុរស២នាក់អង្គុយលើម៉ូតូ ដោយមានដំបងនៅជាមួយផង ពេលនោះជនរងគ្រោះក៏បានដើរទៅយកដំបងដែលនៅក្បែរ បុរស២នាក់ខាងលើ ទៅប្រាប់ម្ចាស់ហាង ស្រាប់តែចេញពីហាងមកវិញក៏ស្រាប់តែឃើញក្រុមបក្សពួកបួននាក់ បានស្ទាក់កាប់ទៅលើជនរងគ្រោះ១ពូថៅចំក្បាលបណ្តាលឲ្យរបួសធ្ងន់ ចំណែកជនដៃដល់បានគេចខ្លួនទៅ ។
មន្រ្តីអាវុធហត្ថបន្តថា បក្ស៤នាក់ទី១.ឈ្មោះ ជិន គក់ ភេទប្រុស អាយុ៣៥ឆ្នាំ ទី២.ឈ្មោះ លី សុខ អាយុ២០ឆ្នាំ ទី៣.ឈ្មោះ ណាល់ ស៊ីណាន ភេទប្រុស អាយុ២០ឆ្នាំ និងទី៤.ឈ្មោះ ផូ ជាជនដៃដល់ ទាំង៤នាក់ខាងលើរស់នៅភូមិសាលាកកោះ ឃុំកៀនសង្កែ ស្រុកសូទ្រនិគម ខេត្តសៀមរាប ។ លោកអនុសេនីយ៍ សួន វឿត បន្តទៀតថាសមត្ថកិច្ចបានស្រាវជ្រាវរកមុខសញ្ញាជនល្មើសឃើញថាបុរស៣នាក់ខាងលើ ពិតជាបក្សពួកជនល្មើសប្រាកដមែនបន្ទាប់នៅថ្ងៃទី២៨ មករា សមត្ថកិច្ចក៏បានឃាត់ខ្លួនជនសង្ស័យទាំង៣នាក់ នាំមកសាកសួរនៅបញ្ជាការដ្ឋានអាវុធហត្ថខេត្ត ដើម្បីកសាងសំណុំរឿង បញ្ជូនទៅសាលាដំបូងខេត្តព្រះវិហារ និងស្វែងរកចាប់ខ្លួនជនដៃដល់មកផ្តន្ទាទោសតាមច្បាប់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ