ខេត្តកំពត ៖ យោងតាមប្រភពព័ត៌មានច្បាស់ការណ៍មួយបានឱ្យដឹងថា នៅរសៀលថ្ងៃទី២៩ មករា ២០១៥ សាលាដំបូងខេត្តកំពតបានប្រកាសសាលក្រមផ្តន្ទាទោស លោកស្រ៊ុន ណាំ ហៅសេង យៀន អតីត
ខេត្តកំពត ៖ យោងតាមប្រភពព័ត៌មានច្បាស់ការណ៍មួយបានឱ្យដឹងថា នៅរសៀលថ្ងៃទី២៩ មករា ២០១៥ សាលាដំបូងខេត្តកំពតបានប្រកាសសាលក្រមផ្តន្ទាទោស លោកស្រ៊ុន ណាំ ហៅសេង យៀន អតីតអធិការស្រុកបន្ទាយមាសដាក់ពន្ធធនាគារ៤ឆ្នាំ និងលោកម៉ុក ហ៊ត អតីតអធិការរងនគរបាលស្រុកបន្ទាយមាស ដាក់ពន្ធធនាគារ២ឆ្នាំ និងពិន័យជាប្រាក់៥លានរៀល តែទោសត្រូវអនុវត្ត១៨ខែ ។
បើតាមលោកអ៊ូ វុធ មេធាវីការពារក្តីឱ្យឈ្មោះម៉ុក ហ៊ត បានឱ្យដឹងថា កូនក្តីរបស់លោកក៏ដូចជារូបលោកផ្ទាល់យល់ព្រមទទួលទោសដែលសាលាដំបូងបានសម្រេច ប្រកបដោយភាពយុត្តិធម៌ជូនប្រជាពលរដ្ឋក៏ដូចជាជនជាប់ចោទ ដោយមិនធ្វើការប្តឹងឧទ្ធរណ៍ឡើយ ។
សូមរំលឹកថា ទណ្ឌិតទាំង២រូបខាងលើនេះ ត្រូវបានអង្គភាពប្រឆាំងអំពើពុករលួយចាប់ខ្លួនកាលពីថ្ងៃទី១២ មិនា ២០១៤ កន្លងមក ពាក់ព័ន្ធនឹងអំពើពុករលួយ ហើយត្រូវបានសាលាដំបូងខេត្តកំពតបានសវនាការជំនុំជម្រះទោសកាលពីថ្ងៃទី២៨ និង ២៩ ធ្នូ ២០១៤ តែត្រូវប្រកាសសាលក្រមនៅរសៀលថ្ងៃនេះ ដោយលោកចៅក្រម តុប ឈុនសុង និងតំណាងអយ្យការ គឺលោកផៃ សម្ភស្ស ។
គួរបញ្ជាក់ថា មូលហេតុដែលតុលាការសម្រេចប្រកាសសាលក្រមផ្តន្ទាទោសលោកម៉ុក ហ៉ត រយៈពេលខ្លីជាងលោកស្រ៊ុន ណាំ ដោយសារតុលាការបានបើកការស៊ើបអង្គេតឃើញថា លោកម៉ុក ហ៊ត មានបទល្មើសតិចតួចជាងលោកស្រ៊ុន ណាំ ហើយម្យ៉ាងទៀត ដោយសារ លោកមេធាវី អ៊ូ វុធ មានឯកសារសាក្សីដោះបន្ទុកឱ្យកូនក្តីច្រើន ៕
ចែករំលែកព័តមាននេះ