រាជធានីភ្នំពេញ ៖ ស្រ្តីអនាថាម្នាត់ត្រូវបានអ្នកធ្វើដំណើរប្រទះឃើញដេកលើខឿនថ្មកណ្តាលស្ពានអាកាស៧មករា ដែលមើលទៅគួរឱ្យសង្វែកចិត្ត ហើយបាននិយាយថានេះជាសកម្មភាពមួយដែលប្រឈមទៅនឹងគ្រោះ
រាជធានីភ្នំពេញ ៖ ស្រ្តីអនាថាម្នាក់ត្រូវបានអ្នកធ្វើដំណើរប្រទះឃើញដេកលើខឿនថ្មកណ្តាលស្ពានអាកាស៧មករា ដែលមើលទៅគួរឱ្យសង្វែកចិត្ត ហើយបាននិយាយថានេះជាសកម្មភាពមួយដែលប្រឈមទៅនឹងគ្រោះថ្នាក់ និងម្យ៉ាងទៀតរូបភាពនេះអាចធ្វើឱ្យភ្ញៀវបរទេស ជាពិសេសថ្នាក់ដឹកនាំបរទេសជាន់ខ្ពស់ជាច្រើនប្រទេសដែលធ្វើដំណើរទស្សនកិច្ចមកកាន់កម្ពុជាធ្វើការរិះគន់ថាប្រទេសកយើងមិនមានរៀបចំសន្តិសុខឱ្យបានត្រឹមត្រូវ ។ ហេតុការណ៍ប្រទះឃើញស្រ្តីអនាថា ដេកនៅខឿនថ្មកណ្តាលស្ពាននេះ គឺនៅវេលាម៉ោង១១ និង៣០នាទីយប់ថ្ងៃទី២៨មករា ឆ្នាំ ២០១៥ នៅចំណុចលើស្ពានអាកាស៧មករា ចុងខាងលិច ទល់មុខខេងសេងហុង ផ្គត់ផ្គង់ឧបករណ៍សុវត្ថិភាព និងសម្ភារការពារសុវត្ថិភាព ស្ថិតក្នុងសង្កាត់ទឹកថ្លា ខណ្ឌសែនសុខ ។
ទាក់ទងទៅនឹងព័ត៌មាននេះផងដែរប្រជាពលរដ្ឋដែលធ្វើដំណើរទៅមកឆ្លងកាត់ស្ពានអាកាស៧មករា ក៏ដូចជាប្រជាពលរដ្ឋដែលរស់នៅក្បែរស្ពានអាកាស៧មករា បាននិយាយថាពួកគាត់តែងតែប្រទះឃើញស្រ្តីខាងអនាថាខាងលើដើរសុំប្រាក់គេនៅក្បែរស្ពាននេះតែម្តង និងតែងតែឃើញស្រ្តីអនាថារូបនេះឡើងដេកនៅលើខឿនថ្មកណ្តាលស្ពានច្រើនដង ។ ប្រជាពលរដ្ឋមានការព្រួយបារម្ភជាច្រើនចំណុចទៅលើសកម្មភាពដេកលើខឿនថ្មកណ្តាលស្ពាននេះដោយទី១.គឺស្រ្តីអនាថាខាងលើអាចប្រឈមទៅនឹងគ្រោះថ្នាក់ដល់អាយុជីវិតដោយសារប្រការណាមួយពិសេសគ្រោះថ្នាក់ចរាចរណ៍ ពីព្រោះនៅលើស្ពាននេះមានយានយន្តជាច្រើនបើកឆ្លងកាត់ ។ ចំណុចទី២.មហាវិថីសហព័ន្ធរូស្ស៊ី ជាផ្លូវមួយដ៍សំខាន់សម្រាប់ភ្ញៀវទេសចរណ៍បរទេស និងឥស្សរជនថ្នាក់ដឹកនាំបរទេសកំពូលៗជាច្រើនប្រទេសធ្វើដំណើរឆ្លងកាត់ពេលអញ្ជើញមកទស្សនកិច្ចនៅកម្ពុជាដូចច្នេះជនបរទេសទាំងនោះអាចនិយាយរិះគន់ថាកម្ពុជាមិនបានរៀបចំសណ្ពាប់ធ្នាប់តាមផ្លូវសារធារណៈឱ្យបានល្អ ជាដើម ។
ជាចុងក្រោយប្រជាពលរដ្ឋបានសំណូមពរដល់អាជ្ញាធរមូលដ្ឋាន ពិសេសសមត្ថកិច្ចដែលយាមប្រចាំការនៅចំណុចស្ពានងាកាស៧មករា សូមជួយយកចិត្តទុកដាក់ និងមានវិធានការចំពោះជនអនាថា ដែលដេកនៅខឿនស្ពាន និង នៅក្បែរស្ពានផងព្រោះដើម្បីកុំឱ្យពួកគាត់ជួបនឹងគ្រោះថ្នាក់ដោយប្រការណាមួយម្យ៉ាងទៀតដើម្បីលើកកម្ពស់សោភណ្ឌភាព និងសណ្តាប់ធ្នាប់សារធារណះស្ពានមួយនេះផងដែរ។
ចែករំលែកព័តមាននេះ