ខេត្តកំពង់ស្ពឺ ៖ ក្មេងស្រីជំទង់ម្នាក់បានរងរបួសបាក់កំភួនដៃខាងឆ្វេង ខណៈ មូលហេតុនៃគ្រោះថ្នាក់នេះត្រូវបានប្រភពលើកឡើងខុសៗគ្នាធ្វើឱ្យមានការមន្ទិលសង្ស័យ ។ ហេតុការណ៍នេះកើតឡើងកាលពីវេលាម៉ោង៦ល្ងាច ថ្ងៃទី២៨ ខែមករា ២០១៥ នៅចំណុចសាលាសន្តិភាព ស្ថិតរការធំ ក្រុងច្បារមន ខេត្តកំពង់ស្ពឺ ។
ក្មេងស្រីរងគ្រោះមានឈ្មោះ វណ្ណ មុនីកា ភេទស្រី អាយុ១៤ឆ្នាំ ជាសិស្សថ្នាក់ទី៦នៃសាលាបឋមសិក្សាច្រកទៀក ស្ថិតក្នុងឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុក្មេងស្រីរងគ្រោះត្រូវសាលាបញ្ជូនមកប្រកួតបាត់ទាត់នៅខេត្ត ។ ហើយបើតាមប្រភពព័ត៌មានពីលោកគ្រូដែលដឹកនាំសិស្សមកប្រកួតបានឱ្យដឹងថាក្មេងស្រីរងគ្រោះបានបាក់កំភួនដៃតាំងពីមុនធ្វើដំណើរមកប្រកួតម្លេះ ប៉ុន្តែប្រភពផ្សេងពីនេះបានឱ្យដឹងថា ក្មេងស្រីរងគ្រោះបានបាក់កំភួនដៃឆ្វេងក្នុងពេលប្រកួត ។ អ្នកយកព័ត៌មានបានសាកសួរទៅលោកគ្រូដែលបាននាំក្មេងស្រីរងគ្រោះមកកាន់មន្ទីរពេទ្យ តែលោកគ្រូរូបនោះនិយាយចុងមាត់ ចុង.ក ដូចជាព្យាយាមលាក់បាំងព័ត៌មាន ។
ដោយសារមូលហេតុនៃគ្រោះថ្នាក់បាក់កំភួនដៃឆ្វេងរបស់ក្មេងស្រីរងគ្រោះត្រូវបានប្រភពនិយាយអះអាងផ្សេងៗគ្នា នោះទើបធ្វើឱ្យមានការសង្ស័យ ។ ហើយគេក៏មិនទាន់ដឹងថាឪពុកម្តាយក្មេងស្រីរងគ្រោះដឹងរឿងហើយឬក៏នៅនោះទេ ។
ចែករំលែកព័តមាននេះ