ខេត្តរតនគិរី ៖ អភិបាលក្រុងបាលុងបានធ្វើឱ្យបាត់ចំណូលពន្ធរដ្ឋ ខណៈនាយកក្រុមហ៊ុង ហេង ដារ៉ាវិនិយោគផ្សារបានលុង បានចុះកិច្ចសន្យាជាមួយក្រសួងពាក់ព័ន្ធមួយចំនួនរយៈពេល៣៥ឆ្នាំមិនទាន់បានចប់ចុងចប់ដើមផង ក៏ស្រាប់តែមានរឿងចំចម្រូងចម្រាស់រវាងអ្នកវិនិយោគផ្សារបានលុង និងអាជ្ញាធរក្រុងដែលធ្វើឱ្យអ្នកវិនិយោគផ្សារពិបាកប្រមូលភាស៊ី។ ហេតុការណ៍នេះបានកើតឡើងនៅត្រង់ចំណុចចំណតផ្ញើរកង់ម៉ូតូ និងរថយន្ត កាលពីថ្ងៃទី២៦ ខែមករា ឆ្នាំ២០១៥ ។
បើយោងតាមពាក្យស្នើសុំរបស់នាយកវិនិយោគផ្សារទៅក្រសួងពាក់ព័ន្ធរយៈពេល៣៥ឆ្នាំ គឺចាប់ពីឆ្នាំ២០០៧រហូតដល់ឆ្នាំ២០៤២ ហើយកិច្ចសន្យារវាងភាគវិនិយោគផ្សារនិងស្ថានប័នពាក់ព័ន្ធមួយចំនួនដូចជាលោកអភិបាលខេត្ត សៀវភៅបន្ទុកចុះថ្ងៃទី២១ ខែវិច្ឆិកា ឆ្នាំ២០០៨ របស់ក្រសួងសេដ្ឋកិច្ច និងហិរញ្ញវត្ថុ លិខិតលេខ៩៦២ ស.ជ.ណ ចុះថ្ងៃទី១៣ ខែសីហា ឆ្នាំ២០០៧ របស់ក្រសួងមហាផ្ទៃ លោកឧបនាយករដ្ឋមន្ត្រី រដ្ឋមន្ត្រី ព្រមទាំងចំណារឯកភាពរបស់សម្តេចអគ្គមហាសេនាតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាចុះថ្ងៃទី២១ ខែតុលា ឆ្នាំ២០១០ តាមសំណើរយល់ព្រមឯកភាពរបស់លោកឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លិខិតលេខ១២១៦ចុះថ្ងៃទី២៥ ខែតុលា ឆ្នាំ២០១០ របស់ទីស្តីការគណៈរដ្ឋមន្ត្រី ។
យោងតាមសៀវភៅបន្ទុកជំពូកទី៣ ប្រការ១៣ ការគ្រប់គ្រងភាស៊ីមានសិទ្ធផ្តាច់មុខក្នុងការបង្កើតគណៈកម្មាធិការគ្រប់គ្រងដោយអ្នកវិនិយោគជាប្រធាន និង ទទួលខុសត្រូវពិនិត្យសហការរៀបចំសណ្តាប់ធ្នាប់ សន្តិសុខ អនាម័យ គ្មានបុគ្គលឫស្ថាប័នណាមកអះអាងទទួលខុសត្រូវលើការងារសន្តិសុខ សណ្តាប់ធ្នាប់ អនាម័យចំនួនអ្នកវិនិយោគឡើយ ។ ក្នុងករណីជនណាទារថ្លៃតុប រាន ស្តង់ និងយកភាស៊ីពីអាជីវករ អ្នកវិនិយោគត្រូវរាយការណ៍ជូនអាជ្ញាធរនិងបង្ក្រាបភាពល្មើសច្បាប់នេះ។ចំណែកទីតាំងដីមុខផ្សារបានលុងទំហំ៥៤x១១០ម៉ែត្រដែលជាទីសាធារណៈរបស់រដ្ឋនិងជាកន្លែងផ្ញើរកង់ម៉ូតូ រថយន្ត និងមួយចំណែកទៀតពីមុនមកខេត្តធ្លាប់បានអនុញ្ញាតិឱ្យក្រុមហ៊ុនតាយ សេង វិនិយោគ ធ្វើផ្ទះល្វែង ប៉ុន្តែអ្នកវិនិយោគផ្សារនិងអាជីវករក្នុងផ្សារបានធ្វើសំណើរជូនទៅក្រសួងមហាផ្ទៃ ដើម្បីសុំទុកទីតាំដីខាងមុខខាងជើងផ្សារបានលុង សំរាប់ទុកជាចំណតយាយន្តភ្ញៀវជាតិ និងអន្តរជាតិ ។
លោកឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដាក់សំណើរជូនសម្តេចអគ្គសេនាមហាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សុំលុបទីតាំងខាងមុខផ្សារនេះអនុញ្ញាតឱ្យសង់ផ្ទះល្វែង ទុកឱ្យនៅទំនេរសំរាប់ទុកជាចំណតរថយន្តភ្ញៀវជាតិ និងអន្តរជាតិ និង ទុកសំរាប់ឱ្យក្រុមហ៊ុនវិនិយោគ ហេង ដារ៉ា ជាអ្នកប្រមូលពន្ធជូនរដ្ឋ ដែលចំណារឯកភាពរបស់សម្តេចចុះថ្ងៃទី២១ ខែតុលា ឆ្នាំ២០១០ ។
ចែករំលែកព័តមាននេះ