ខេត្តសៀមរាប ៖ រថយន្តសេរីទំនើប១គ្រឿងដែលកាងឈើគ្រញូងបុកមនុស្សស្លាប់រួចរត់ត្រូវកម្លាំងកងរាជអាវុធហត្ថស្រុកសហការការជាមួយនិងមន្ត្រីរដ្ឋបាលព្រៃឈើខេត្តបានប្រដេញព័ទ្ធចាប់រថយន្តសេរីទំនើប១គ្រឿងដែលបានកាងរថយន្តដឹកឈើក្រញូងពីមុខហើយបើកបុកម៉ូតូបណ្តាលឲ្យបាក់ភ្លៅរបួសធ្ងន់រួចដឹកចូលទៅព្យាបាលនៅមន្ទីរពេទ្យស្រុកបន្ទាយស្រី ។ ហេតុការណ៍នេះធ្វើឡើងកាលពីព្រឹកថ្ងៃទី២៨ ខែមករា ឆ្នាំ២០១៥ ត្រង់ចំណុចផ្លូវបំបែបមុខប៉ុស្តិ៍នគរបាលស្រុកបន្ទាយស្រីស្ថិតនៅភូមិតាកុះ ឃុំខ្នារសណ្ដាយ ស្រុកបន្ទាយស្រី ខេត្តសៀមរាប ខណៈដែលម្ចាស់ម៉ូតូកំពុងធ្វើដំណើរបញ្ច្រាស់ទិសគ្នា ។
មន្ត្រីកងរាជអាវុធហត្ថស្រុកបានឲ្យដឹងថា មុនពេលកើតហេតុមានរថយន្តមួយគ្រឿងម៉ាកឡិចស៊ីសសRX ៣០០ បានដឹកឈើក្រញូងឆ្លងកាត់ ស្រុកស្វាយលើទៅតាមផ្លូវជាតិលេខ៦ ដោយសារឃើញសមត្ថកិច្ចនៅតាមដងផ្លូវ ក៏ត្រឡប់ក្រោយ មកកាត់ស្រុកស្វាយលើវិញ រួចរថយន្តដឹកឈើ នោះបានបត់ក្រោយ ទៅតាមផ្លូវស្រែណូយ(៦៧)ឆ្ពោះទៅតាមស្រុកបន្ទាយស្រី លុះទៅដល់មុខសង្កាត់រដ្ឋបាលព្រៃឈើ កន្ទួតខ្នារក្រៅ រថយន្តដឹកឈើ ក្រញូងនោះបានបើក បុកប៉ារ៉ាស់ របស់មេព្រៃ ហើយបន្តបើកគេច បាត់ស្រមោលតែម្ដង។មន្ត្រីអាវុធហត្ថបន្ថែមថា ក្រោយពីរថយន្តដឹកឈើក្រញូង បើកគេចបាត់ទៅ ក៍ឃើញមានរថយន្តម៉ាក ហាយឡិនឌ័រ មួយគ្រឿងទៀត បើករេពីមុខសមត្ថកិច្ចដែលតាមព័ទ្ធចាប់រថយន្តដឹងឈើនោះលុះមកដល់ មុខអធិការនគរបាល ស្រុកបន្ទាយស្រី រថយន្តហាយឡិនឌ័រនោះ បានបើកមុកម៉ូតូដែលកំពុងជិះម្នាក់ឯង បណ្តាលឲ្យ រងរបួសធ្ងន់ផងដែរ ។
ប៉េអ៊ឹមបន្ថែមថា ក្រោយពីរថយន្តហាយឡិនឌ័របើកបុកម៉ុតូរួចមកក៏បើករត់រហូត ដល់ភូមិតាកុះ ទើបអ្នកបើកបររថយន្តនោះឈប់ហើយបើកទ្វាររត់គេចខ្លួនបាត់តែម្ដង ។ ប៉េអ៊ឹមបន្ថែមថា រថយន្តដែលកាងឈើបើកបុកម៉ុតូនោះ ម៉ាកហាយឡិនឌ័រ ពណ៌ទឹកប្រាក់ ពាក់ស្លាកលេខភ្នំពេញ២AC ០៦៣៦ ចំណែករថយន្តដឹក ឈើក្រញូងនោះបានបែកកង់ម៉ាកឡិចស៊ីសRX៣០០បានបើករត់បាត់ស្រមោល ពេលនេះ កម្លាំងមេព្រៃនិងកម្លាំងប៉េអ៊ឹមកំពុងតែរុករកបន្ត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ