រាជធានីភ្នំពេញ ៖ សាលាខណ្ឌមានជ័យនៅរសៀលថ្ងៃទី ២៩ ខែមករា ឆ្នាំ២០១៥ បើកកិច្ចប្រជុំបូកសរុបលទ្ធផលការងារប្រចាំខែ ក្នុងគោលបំណងស្វែងរកចំណុចខ្វះខាត នឹងចង់ដឹងពីការអភិវឌ្ឍន៍នៅក្នុងមូលដ្ឋាន ជាពិ
រាជធានីភ្នំពេញ ៖ សាលាខណ្ឌមានជ័យនៅរសៀលថ្ងៃទី ២៩ ខែមករា ឆ្នាំ២០១៥ បើកកិច្ចប្រជុំបូកសរុបលទ្ធផលការងារប្រចាំខែ ក្នុងគោលបំណងស្វែងរកចំណុចខ្វះខាត នឹងចង់ដឹងពីការអភិវឌ្ឍន៍នៅក្នុងមូលដ្ឋាន ជាពិសេសរឹតបន្តឹងអនុវត្តច្បាប់ស្តីពីចរាចរណ៍ផ្លូវគោក ។ កិច្ចប្រជុំនេះស្ថិតក្នុងអធិបតីភាពលោក ពេជ្រ កែវមុនី អភិបាលខណ្ឌមានជ័យ និងលោកអភិបាលរងចំនួន៣រូប នឹងមានការអញ្ជើញចូលរួមពីសំណាក់លោក លោកស្រី ចៅសង្កាត់ អធិការនគរបាលខណ្ឌមេបញ្ជាការកងរាជអាវុធរួមជាមួយមន្រ្តីសាលាខណ្ឌមានជ័យនឹងនាយប៉ុស្តិ៍ផងដែរ ។
ក្នុងកិច្ចប្រជុំខាងលើលោក ពេជ្រ កែវមុនី បានថ្លែងថាដើម្បីកាត់បន្ថយគ្រោះថ្នាក់ចរាចរ ផ្លូវគោក និងភាពរងគ្រោះដោយគ្រោះថ្នាក់ណាមួយក្នុងមូលដ្ឋាននោះ ក្នុងនាមលោកជាគណៈបញ្ជាការឯកភាព បានស្នើឱ្យមន្រ្តីទាំងអស់រួមជាមួយកងកម្លាំងមូលដ្ឋាន ត្រូវត្រួតពិនិត្យការអនុត្តន៍ច្បាប់ និងត្រូវចាត់វិធានការរឹតបន្តឹងអនុវត្តច្បាប់ចរាចរណ៍ផ្លូវគោកឱ្យបានល្អ ។ លោកអភិបាលខណ្ឌបានសង្កតធ្ងន់ទៅ លើអភិបាលរងខណ្ឌគ្រប់រូបរួមទាំងសមត្ថកិច្ច ពេលចុះត្រួតពិនិត្យរដ្ឋបាលម្តងៗ ត្រូវចាប់ចែង និងមើលការខុសត្រូវឱ្យបានល្អប្រសើរ ចំពោះការធ្វើដំណើររបស់ប្រជាពលរដ្ឋបើសិនអ្នកបើកបរយានជំនិះ គ្រប់ប្រភេទមិនគោរពតាមច្បាប់ណែនាំដូចជាជិះម៉ូតូមិនពាក់មួកសុវត្ថិភាព មិនដាក់កញ្ចក់ មានជាតិស្រវឹងពេលបើកបរ បើកលឿនហួសការកំណត់ ត្រូវឃាត់ដើម្បីអប់រំ និងឆែកឆេរ ហើយត្រូវផាកពិន័យតាមច្បាប់ដែលបានចែង ។ ជាពិសេសត្រូវពិនិត្យមើលយានយន្តគ្រប់ប្រភេទដែលដឹកលើសទម្ងន់ ដឹកទំនិញខុសច្បាប់ ការដឹកដីធ្លាក់លើដងផ្លូវនានា ត្រូវឃាត់មើលឯកសារឱ្យបានត្រឹមត្រូវ និងត្រូវហាមឃាត់រថយន្តធុនធំគ្រប់ប្រភេទដែលបើកចូលក្រុងខុសពេលវេលា ដើម្បីបញ្ចៀសការកក់ស្ទះចរាចរណ៍និងករណីគ្រោះថ្នាក់ចរាចរណ៍កើតដោយប្រការណាមួយ ។
លោក ពេជ្រ កែវមុនី ក៏បានផ្តាំផ្ញើដល់ចៅសង្កាត់ទាំងអស់ត្រូវយកចិត្តទុកដាក់ ពិនិត្យមើលរាល់ កាកសំណល់ និងគំនរសម្រាមដែលប្រជាពលរដ្ឋបោះចោលនៅលើដងផ្លូវ និងក្បែរមាត់លូ ដើម្បីទប់ស្កាត់ កុំឱ្យស្ទះប្រព័ន្ធលូបង្ហូរទឹកសំអុយ និងកុំឱ្យប៉ះពាល់ដល់សុខភាពប្រជាពលរដ្ឋក្នុងមូលដ្ឋាន ។ លោកក៏បានបញ្ជាឱ្យមន្រី្តជំនាញទាំងអស់គួរគិតគូរពីសណ្តាប់ធ្នាប់នៅតាមដងផ្លូវជាតិលេខ២ ផ្លូវលេខ៣៧១ និងផ្លូវវេងស្រេង រួមជាមួយនិងផ្លូវមុនីរ៉េត ដើម្បីសម្រួលចរាចរណ៍ជូនប្រជាពលរដ្ឋ និងរក្សាសោភណ្ឌភាពល្អក្នុងរាជធានីភ្នំពេញ ។
លោកអភិបាលខណ្ឌបន្តថា ល្បែងស៊ីសងគ្រប់ប្រភេទ ត្រូវហាមឃាត់មិនឱ្យកើតមាននៅ ក្នុងមូលដ្ឋាន ដោយថ្លែងថាបើថ្នាក់មូលដ្ឋានដឹងហើយមិនចុះណែនាំនិងបង្រ្កាបនិងមិនរាយការណ៍ជូនសាលាខណ្ឌនោះ រូបលោកផ្ទាល់នឹងដឹកនាំកម្លាំងចុះបង្ក្រាបដោយខ្លួនឯង ។
ចែករំលែកព័តមាននេះ