ខេត្តសុងក្លា-ថៃ ៖ ថ្មីៗនេះ ក្រុមហ៊ុននាំចូលកៅស៊ូឈានមុខគេរបស់អីុរ៉ង់ បានជួបពិភាក្សាលើកិច្ចការខាងមុខជំនួញកៅស៊ូជាមួយនឹងតំណាងអ្នកផលិតរបស់ថៃ ក្នុងក្រុងហាត់យ៉ៃ ខេត្តសុងក្លា ក្នុងនោះភាគីអីុរ៉ង់បង្ហាញការចាប់អារម្មណ៍ពីការទិញក្នុងបរិមាណច្រើន ។
កាលពីថ្ងៃទី២៧ មករា នាយកដ្ឋានផ្សព្វផ្សាយពាណិជ្ជកម្មអន្តរជាតិរបស់ថៃ បានរៀបចំកិច្ចប្រជុំមួយក្នុងរដ្ឋធានីតេហេរ៉ង់ ប្រទេសអីុរ៉ង់ ដោយមានការចូលរួមពីបណ្តាពាណិជ្ជករកៅស៊ូថៃចំនួន១៧មកពីសមាគមកៅស៊ូ សមាគមជ័រកៅស៊ូ និងសមាគមឈើកៅស៊ូ និងអ្នកនាំចូលកៅស៊ូអីុរ៉ង់ ។ នៅក្នុងជំនួបពិភាក្សានោះ គឺផ្តោតទៅលើការនាំចេញកៅស៊ូរបស់ថៃទៅកាន់ទីផ្សារអីុរ៉ង់ ដែលជាអ្នកចាប់អារម្មណ៍នាំចូលផលិតផលនេះ ឱ្យបានច្រើនពីប្រទេសថៃ ។
គួរបញ្ជាក់ថា កិច្ចប្រជុំនេះប្រារព្ធទ្បើង ដើម្បីឆ្លើយតបទៅនឹងកង្វះខាតនៃការនាំចូលកៅស៊ូតាមច្រកសមុទ្ររបស់អីុរ៉ង់ ហើយការជួញដូររវាងភាគីទាំង២ ត្រូវបានគេរំពឹងថានឹងជួយឱ្យថៃនាំចេញកៅស៊ូចំនួន៦ម៉ឺនតោន មកផ្គត់ផ្គង់ទីផ្សារអីុរ៉ង់ ៕
ចែករំលែកព័តមាននេះ