ក្រុងសេអ៊ូល-កូរ៉េ ៖ ទីភ្នាក់ងារផ្តល់សេវាធានារ៉ាប់រងសុខភាពជាតិ និងអង្គភាពពន្ធដារជាតិ បានឱ្យដឹងកាលពីថ្ងៃទី២៧ មករា ថា ចាប់ពីថ្ងៃទី១៥ មេសា តទៅ បណ្តាអ្នកបង់ពន្ធ ចាំបាច់
ក្រុងសេអ៊ូល-កូរ៉េ ៖ ទីភ្នាក់ងារផ្តល់សេវាធានារ៉ាប់រងសុខភាពជាតិ និងអង្គភាពពន្ធដារជាតិ បានឱ្យដឹងកាលពីថ្ងៃទី២៧ មករា ថា ចាប់ពីថ្ងៃទី១៥ មេសា តទៅ បណ្តាអ្នកបង់ពន្ធ ចាំបាច់ ត្រូវតែកែសម្រួលការបង់ថ្លៃធានារ៉ាប់រងសុខភាពរបស់ពួកគេឱ្យស្របទៅនឹងការកែសម្រួលចំណូលពន្ធជាតិទ្បើងវិញ ដែលកំពុងអនុវត្ត ។
តាមការអះអាងពីស្ថាប័នពាក់ព័ន្ធខាងលើ គឺកាលពីឆ្នាំ២០១៤កន្លងមក បរិមាណនៃអ្នកជាវជាប្រចាំនូវសេវានេះ មានចំនួន៧,៦លាននាក់ ឬស្មើនឹង៦១,៩% នៃនិយោជិតសរុបនៅក្នុងប្រទេស ហើយថ្លៃឈ្នួលដែលទទួលពីការបង់មានចំនួន១,៨ពាន់លានដុល្លារ ។ ក្នុងនោះមានតែ១៩,៤%ប៉ុណ្ណោះ ក្នុងចំណោមពួកគេដែលទទួលបានថ្លៃបង់មកវិញសរុបជាទឹកប្រាក់៣០៨,៨៧លានដុល្លារ ។
គួររំឭកថា ការបង់ថ្លៃធានារ៉ាប់រងសុខភាពនៅទូទាំងប្រទេសកូរ៉េខាងត្បូង កាលពីឆ្នាំមុនៗហាក់មាននិន្នាការកើនទ្បើងតួយ៉ាងឆ្នាំ២០១០ មានចំនួន៧៤៣,១៤លានដុល្លារ ឆ្នាំ២០១២ មាន១,៤៧ពាន់លានដុល្លារ ឆ្នាំ២០១៣ មាន១,៤៥ពាន់លានដុល្លារ និងឆ្នាំ២០១៤ មាន១,៨ពាន់លានដុល្លារ ។
ក្រសួងសុខាភិបាលបានបញ្ជាក់ថា តួលេខនេះត្រូវបានគេរំពឹងថានឹងកើនទ្បើងបន្តទៀត ក្នុងឆ្នាំ២០១៥នេះ ដោយសារតែបរិមាណពលករប្រកបការងារកើនទ្បើង ហើយក្នុងចំណោមអ្នកទាំងនោះក៏មានអ្នកទទួលបានការដំទ្បើងប្រាក់ឈ្នួលផងដែរ ។ ក្នុងនោះអ្នកដែលមានប្រាក់ឈ្នួលកើនទ្បើងសរុបប្រចាំឆ្នាំ៩២៤ដុល្លារ ក្នុងឆ្នាំ២០១៤ នោះពួកគេនឹងត្រូវបង់៥៤,៥ដុល្លារ បន្ថែមពីលើថ្លៃធានារ៉ាប់រងសុខភាពសម្រាប់ឆ្នាំនេះ ចំពោះពលករម្នាក់ៗ ៕
ចែករំលែកព័តមាននេះ