គោញីមួយក្បាលត្រូវចោរលួចយកពន្លះសាច់អស់ខ្លះ ទុកឆ្អឹងនិងសាច់ខ្លះទៀតឱ្យម្ចាស់វិញ
ខេត្តកំពង់ឆ្នាំង ៖ គោញីមួយក្បាលត្រូវចោរលួចយកទៅពន្លះយកសាច់អស់មួយចំនួន បង្កឱ្យភ្ញាក់ផ្អើលវេលាម៉ោង០៥ និង៣០នាទី
ខេត្តកំពង់ឆ្នាំង ៖ គោញីមួយក្បាលត្រូវចោរលួចយកទៅពន្លះយកសាច់អស់មួយចំនួន បង្កឱ្យភ្ញាក់ផ្អើលវេលាម៉ោង០៥ និង៣០នាទីល្ងាចថ្ងៃទី២៧ មករា ២០១៥ ស្ថិតនៅព្រំប្រទល់ឃុំរលាប្អៀរ និងឃុំជ្រៃបាក់ ស្រុករលាប្អៀរ ។
ប្រភពបានឱ្យដឹងថា ស្ត្រីជាម្ចាស់គោឈ្មោះជូ គឹមសៀន អាយុ៦៨ឆ្នាំ រស់នៅភូមិព្រៃខ្មែរ ឃុំរលាប្អៀរ ស្រុករលាប្អៀរ គាត់បានទៅស្នាក់នៅធ្វើចម្ការនៅខាងលិចភូមិជាប់ព្រំប្រទល់ឃុំជ្រៃបាក់ ។ លុះនៅយប់ថ្ងៃទី២៥ មករា ម្ចាស់គោបានបាត់គោញីធំ១ក្បាលពីខ្ទមចម្ការ ប៉ុន្តែមិននឹកស្មានថា ចោរលួចយកទៅឡើយ លុះព្រឹកឡើងក៏គាត់មិនអើពើរូតរះដើររកដែរ ព្រោះជាទម្លាប់របស់អ្នកស្រុកនៅទីនោះ ខ្លះគេលែងគោ-ក្របីចោល៤-១០ថ្ងៃ ទើបគេដើរម្តងមិនដែលមានចោរលួចបែបនេះឡើយ ។
នៅល្ងាចថ្ងៃទី២៧ មករា ២០១៥ ក៏ស្រាប់តែប្រទះឃើញគោដែលពួកចោរពន្លះយកសាច់អស់មួយចំនួនទៅហើយ នៅចំណុចកើេតហតុខាងលើ ទើបផ្តល់ដំណឹងនេះដល់ម្ចាស់គោ ហើយពេលទៅមើលទើបដឹងថា គោដែលចោរពន្លះយកសាច់នោះ ជាគោញីរបស់ឈ្មោះជូ គឹមសៀន មែន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ