ខេត្តប៉ៃលិន ៖ យុវជនម្នាក់រងរបួសធ្ងន់ ត្រូវបងប្អូនដឹកតាមម៉ូតូបញ្ជូនទៅសង្គ្រោះនៅមន្ទីរពេទ្យបង្អែកខេត្ត ដោយសារករណីគ្រោះថ្នាក់ចរាចរណ៍ បើកបរម៉ូតូម្នាក់ឯងបម្រុងនឹងបត់ឆ្វេងត្រឡប់ទៅក្រោយវិញ ក៏ត្រូវម៉ូតូ
ខេត្តប៉ៃលិន ៖ យុវជនម្នាក់រងរបួសធ្ងន់ ត្រូវបងប្អូនដឹកតាមម៉ូតូបញ្ជូនទៅសង្គ្រោះនៅមន្ទីរពេទ្យបង្អែកខេត្ត ដោយសារករណីគ្រោះថ្នាក់ចរាចរណ៍ បើកបរម៉ូតូម្នាក់ឯងបម្រុងនឹងបត់ឆ្វេងត្រឡប់ទៅក្រោយវិញ ក៏ត្រូវម៉ូតូមួយគ្រឿងទៀតបើកបរ ស្របទិសគ្នាក្នុងល្បឿនលឿន ជ្រុលចង្កូតទៅបុកចំពាក់កណ្តាលម៉ូតូពេញទំហឹង បណ្តាលឱ្យមនុស្ស និងម៉ូតូដួលប្រាវអូសប្រហែល៣ម៉ែត្រ ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១ និង៥០នាទី រសៀលថ្ងៃទី២៧ ខែ មករា ឆ្នាំ២០១៥ នៅតាមបណ្តោយផ្លូវជាតិលេខ៥៧ ចំណុចផ្លូវកែងបែកចូលវិទ្យាល័យហ៊ុនសែនក្រុងទេពនិម្មិត ស្ថិតនៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ។
ប្រភពព័ត៌មានពីសមត្ថកិច្ចនគរបាលចរាចរណ៍បានឱ្យដឹងថាជនរងគ្រោះទី១. ឈ្មោះ សឿន រី ភេទប្រុស អាយុ១៧ឆ្នាំ រងរបួសធ្ងន់បាក់ក.ជើងឆ្វេង និងរលាត់រយះដៃ ខ្លួន រស់នៅភូមិអូរពឺត សង្កាត់ទួលល្វាក្រុងប៉ៃលិន ដោយបើកបរម៉ូតូម្នាក់ឯងម៉ាកឌ្រីមសេ១២៥ ពណ៌ខ្មៅ ស៊េរីឆ្នាំ២០០៩ ពាក់ស្លាកលេខប៉ៃលិន 1A-1401 រងការខូចខាតបែកម៉ាស៊ីន និងខូចខាតផ្នែកខាងមុខ ។
ចំណែកអ្នកបើកបរម៉ូតូ១គ្រឿងទៀត ឈ្មោះ ច្រាយ ម៉េងហួត ភេទប្រុស អាយុ២៤ឆ្នាំ ជាជាងជួសជុលរថយន្ត រងរបួសស្រាល ជាអ្នកបើកបរម៉ូតូម៉ាកឌ្រីមសេ១២៥ស៊េរីឆ្នាំ២០០៦ពណ៌ខ្មៅពាក់ស្លាកលេខប៉ៃលិន 1A-0337 រងការខូចខាតផ្នែកខាងមុខយ៉ាងដំណំ រស់នៅភូមិអូរតាពុកលើ សង្កាត់ទួលល្វា ក្រុងប៉ៃលិន និងអ្នករួមដំណើរចំនួន២នាក់ ទី១. ឈ្មោះ ខៃ សីហា ភេទប្រុស អាយុ២៤ឆ្នាំ រងរបួសស្រាល រស់នៅភូមិប៉ាហ៊ីត្បូង សង្កា ត់ប៉ៃលិន ក្រុងប៉ៃលិន និងទី២.ឈ្មោះ ជាង គឹមអ៊ី ភេទប្រុស អាយុ២៥ឆ្នាំ រងរបួសស្រាល មុខរបរជាងដែក រស់នៅភូមិអូរពឺត សង្កាត់ទួលល្វា ក្រុងប៉ៃលិន ។
ចែករំលែកព័តមាននេះ