រាជធានីភ្នំពេញ ៖ លោកប៉ា សុជាតិវង្ស អភិបាលរាជធានីភ្នំពេញបានធ្វើការអំពាវនាវម្តងហើយ ម្តងទៀតដល់គណបក្សនយោបាយទាំងអស់សូមកុំឲ្យយកព្រះសង្ឃធ្វើជាឈ្នាន់សម្រាប់បម្រើនយោបាយ
រាជធានីភ្នំពេញ ៖ លោកប៉ា សុជាតិវង្ស អភិបាលរាជធានីភ្នំពេញបានធ្វើការអំពាវនាវម្តងហើយ ម្តងទៀតដល់គណបក្សនយោបាយទាំងអស់សូមកុំឲ្យយកព្រះសង្ឃធ្វើជាឈ្នាន់សម្រាប់បម្រើនយោបាយរបស់ខ្លួន ដោយទុកឲ្យព្រះសង្ឃជាទីគោរពសក្ការៈរបស់ប្រជាពលរដ្ឋទូទៅ ។
លោកប៉ា សុជាតិវង្ស ធ្វើការអំពាវនាវបែបនេះក្នុងពេលលោកអញ្ជើញជាអធិបតី និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងពិធីសម្ពោធដាក់ឲ្យប្រើប្រាស់នូវសមិទ្ធិផលនានាក្នុងវត្តវិមានតេជៈ ហៅវត្តស្រះចក ស្ថិតក្នុងសង្កាត់ស្រះចក ខណ្ឌដូនពេញ នាព្រឹកថ្ងៃទី២៧ មករា ២០១៥នេះ ដើម្បីទុកជាគរុភណ័ក្នុងវិស័យព្រះពុទ្ធសាសនាតរៀងទៅ ។
លោកគួច ចំរើន អភិបាលខណ្ឌដូនពេញបានឲ្យដឹងថា «វត្តស្រះចកនេះ កាលពីដើមឡើយជាទីទំនាបបាតបឹង មានព្រៃដុះស៊ុបទ្រុបសំបូរដោយកំប្លោក និងចកដែលមានទឹកខូបប្រាំងខូបវស្សា អាស្រ័យដោយមានសទ្ធាជ្រះថ្លាក្នុងព្រះពុទ្ធសាសនា ប្រជាពុទ្ធបរិស័ទនៅតំបន់នេះក៏បានមូលមតិគ្នាខិតខំបរិច្ចាគធនធានជាបណ្តើរៗរហូតបង្កើតបានវត្តនេះឡើង ដែលរហូតមកដល់ពេលនេះ វត្តស្រះចកមានចំណាស់៨៣ឆ្នាំហើយក្រោមការដឹកនាំរបស់ចៅអធិការចំនួន៨ជំនាន់ គិតពីឆ្នាំ១៩៧០មក ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ