តាមបណ្តាញព័ត៌មានបរទេសការលក់រថយន្តថ្មីនៅលើទីផ្សារសហរដ្ឋអាមេរិក បានស្ទុះទ្បើងជាហេតុនាំឱ្យតម្លៃហាងឆេងរថយន្តជជុះ ឬមួយទឹកៗបច្ចុប្បន្នធ្លាក់ថ្លៃ ។ កាលពីឆ្នាំ២០១៣ ការលក់រថយន្តថ្មីបានកើនទ្បើង៥,៩% ឬស្មើនឹង១៦,៥លានគ្រឿង ។
អ្នកជំនាញជាន់ខ្ពស់របស់ធនាគារ Jonathan Banks ផ្នែកមគ្គុទ្ទេសក៍រថយន្តមួយទឹក ឬជជុះរបស់សមាគមឈ្មួញកណ្តាលរថយន្តសហរដ្ឋអាមេរិក បានថ្លែងថា នេះជាលើកដំបូងហើយក្នុងរយៈពេល២០ឆ្នាំកន្លងមក ដែលតម្លៃលក់ទ្បៃទ្បុងបោះដុំរថយន្តជជុះបានកើនទ្បើងក្នុងខែធ្នូឆ្នាំ២០១៤ ហើយវាក៏ជារឿងសំខាន់មួយដែរ គិតចាប់ពី១០ឆ្នាំមុន ដែលតម្លៃជាមធ្យមបានធ្លាក់ចុះ១,៤% មកទល់នឹងពេលនេះ ។ ដោយផ្អែកលើការលក់លើទីផ្សារបច្ចុប្បន្ន បណ្តាអ្នកទិញរថយន្តជជុះក្នុងរយៈពេល៣ខែដំបូង នៃឆ្នាំ២០១៥នេះនឹងអាចរកទិញបាននូវតម្លៃលក់ប្រហាក់ប្រហែល ឬធូរថ្លៃជាងអំទ្បុងពេលដូចគ្នាកាលពីឆ្នាំ២០១៤ ។ ជាងនេះទៅទៀត ហាងឆេងចុះថោកបែបនេះ ក៏បណ្តាលមកពីឥទ្ធិពលនៃតម្លៃរថយន្តមួយទឹក ដែលធ្លាក់ថ្លៃដោយសារការទូទាត់សំណងមកវិញនៃពន្ធ បន្ទាប់ពីតម្លៃសាំងធ្លាក់ចុះ គួបផ្សំនឹងកត្តាផ្សេងៗតាមរដូវក៏នាំឱ្យតម្លៃលក់មានហាងឆេងដូច្នេះដែរ ។ រហូតមកដល់ពេលនេះ តម្លៃទីផ្សារគឺមានភាពខុសគ្នានិងប្រែប្រួលច្រើនរវាងរថយន្តថ្មីនិងជជុះ ដែលបណ្តាលមកពីអ្នកទិញភាគច្រើនងាកមករករថយន្តថ្មីវិញ ដែលនាំឱ្យការលក់កើនទ្បើងខ្លាំង រហូតហាងឆេងរថយន្តជជុះជួបនិន្នាការបែបនេះ ។ ប៉ុន្តែជាមួយនឹងភាពអត់ការងារធ្វើដែលមានកម្រិតទាបបំផុតក្នុងឆ្នាំ២០០៨ លទ្ធផលនៃការទូទាត់បញ្ជីរថយន្តជជុះ បានស្តារស្ថានការទ្បើងវិញនូវកម្រិតប្រក្រតីទាំងរថយន្តថ្មីនិងជជុះ ដែលកំពុងស្វែងរកការចាប់អារម្មណ៍ពីអ្នកទិញ ។
ទោះជាយ៉ាងណា ក្រុមហ៊ុន TrueCar បានប៉ាន់ប្រមាណថា ការផ្គត់ផ្គង់រថយន្តជជុះរបស់សហរដ្ឋអាមេរិក ក្នុងឆ្នាំ២០១៥នឹងឈានទៅរកកម្រិតច្រើនជាងធម្មតា បន្ទាប់ពីការទូទាត់បញ្ជីឃើញថា មានសភាពស្ងប់ស្ងាត់បន្តិច ។ ដោយការផ្គត់ផ្គង់រថយន្តជជុះស៊េរីចាស់ខែឆ្នាំ៥ឆ្នាំហើយនោះ កើនទ្បើង១០%នៅឆ្នាំនេះ ៕
ចែករំលែកព័តមាននេះ