ខេត្តប៉ៃលិន ៖ ក្មេងប្រុសវ័យ៤ឆ្នាំម្នាក់ ដែលមានជីវភាពក្រីក្រ ត្រូវបានឪពុកបង្កើតប្រើអំពើហិ.ង្សា ដោយយកកាំបិតចាប់អារស្លឹកត្រចៀកម្ខាងស្ទើរដាច់បណ្តាលឱ្យឈាមហូរស្រោចពេញខ្លួនប្រាណស្រែកទ្រហោយំ ហើ
ខេត្តប៉ៃលិន ៖ ក្មេងប្រុសវ័យ៤ឆ្នាំម្នាក់ ដែលមានជីវភាពក្រីក្រ ត្រូវបានឪពុកបង្កើតប្រើអំពើហិង្សា ដោយយកកាំបិតចាប់អារស្លឹកត្រចៀកម្ខាងស្ទើរដាច់បណ្តាលឱ្យឈាមហូរស្រោចពេញខ្លួនប្រាណស្រែកទ្រហោយំ ហើយត្រូវគេបញ្ជូនមកសង្គ្រោះនៅមន្ទីរពេទ្យបង្អែកខេត្តជាបន្ទាន់ ។ នេះជាការលើកឡើងរបស់លោក ស្រី ប៊ុន គឹមហេង អនុប្រធានមន្ទីរសង្គមកិច្ច និងអតីតយុទ្ធជនខេត្ត នៅក្នុងកិច្ចប្រជុំអង្គភាពពាក់ព័ន្ធនឹងយុត្តិធម៌ អនីតិជន និងស្រ្តី នៅសាលប្រជុំក្រុមប្រឹក្សាខេត្ត នាព្រឹកថ្ងៃទី២៦ មករា ២០១៥ ក្រោមអធិបតីភាព លោក ជុំ សែនសទ្ធា ព្រះរាជអាជ្ញាអមសាលាដំបូងខេត្ត ក្រោមជំនួយឧបត្ថម្ភពីមូលនិធិប្រទេសអូស្រ្តាលី ។
លោកស្រី ពៅ សុខ សមាជិកក្រុមប្រឹក្សាខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្ត បានលើកឡើងថា កាលពីថ្ងៃទី១៨ ខែមករា កន្លងទៅ លោកស្រីបានទៅចូលរួមក្នុងពិធីមង្គលការមួយរបស់ប្រជាពលរដ្ឋរស់នៅស្រុកសាលាក្រៅ ស្រាប់តែមានក្រុមក្មេងទំនើងមួយក្រុមមានគ្នាជាង១០នាក់ បានធ្វើសកម្មភាពដេញវាយទាត់ធាក់គ្នា បង្កឱ្យមានការភ្ញាក់ផ្អើលពេញរោងការ ធ្វើឱ្យភ្ញៀវរត់ជាន់ជើងគ្នា ចោលតុ លែងបានទទួលទានអាហារ ។ លោកស្រីបានលើកឡើងបន្តទៀតថា បន្ទាប់មកក្មេងទំនើងមួយចំនួន បានរត់ទៅយកកាំបិតផ្គាក់ចំនួន២ មានមុខសស្ញាច យកមកបម្រុងនឹងកាប់លើគូបដិបក្ស ហើយត្រូវបានមន្រ្តីសមត្ថកិច្ចនគរបាលដែលយាមប្រចាំការទីនោះ ដកហូតយកកាំបិតទាំងពីរនោះទៅរក្សាទុកជាវត្ថុតាង ។ ប៉ុន្តែមិនបានចាប់ជនបង្កហេតុណាម្នាក់នោះទេ ដោយសំអាងថា ម្ចាស់ដើមការមិនបានដាក់ពាក្យបណ្តឹង ។ លុះប៉ុន្មានថ្ងៃក្រោយមកទៀត ក៏មានក្មេងទំនើងមួយក្រុមផ្សេងទៀត បាននាំគ្នាចេញពីស្រុកសាលាក្រៅ មកអុកឡុកនៅក្នុងពិធីមង្គលការឯក្រុងប៉ៃលិន បង្កឱ្យមានបញ្ហាដល់ពិធី ទោះបីជាមិនមានលក្ខណៈជាទ្រង់ទ្រាយធំក្តី តែបានរំខានដល់ម្ចាស់សាម៉ីដើមការ ហើយមានរឿងរ៉ាវខ្លះ កើតឡើងសូម្បីតែលោកព្រះរាជអាជ្ញាក៏មិនបានដឹងផង ។
លោក ជុំ សែនសុទ្ធា ព្រះរាជអាជ្ញាអមសាលាដំបូងខេត្ត បានផ្សព្វផ្សាយសារាចរណែនាំរបស់ក្រសួងយុត្តិធម៌ ចំនួន០៣ចំណុច ទី០១-ការអនុវត្តបទបញ្ញត្តិ ដាក់ជនត្រូវចោទឱ្យនៅក្រៅឃុំ ក្រោមការត្រួតពិនិត្យតាមផ្លូវតុលាការ ។ ជនត្រូវចោទមិនត្រូវចាកចេញពីមូលដ្ឋាន ហើយត្រូវមកបង្ហាញមុខនៅប៉ុស្តិ៍នគរបាលជារៀងរាល់ពេលកំណត់ ។ តែបើគេចវេសមិនព្រមមកបង្ហាញមុខទេ ខាងនគរបាល ត្រូវតែរាយការណ៍ជូនមកខាងអយ្យការអមសាលាដំបូង ដើម្បីចេញដីកាឃុំខ្លួនតែម្តង ។ ទី២. ការអនុវត្ត បទបញ្ញត្តិនៃការព្យួរទោសសាកល្បង ទណ្ឌិតអាចនៅផ្ទះបាន តែហាមចាកចេញពីមូលដ្ឋាន ត្រូវមកបង្ហាញខ្លួនតាមពេលកំណត់ដែរ ។ ប៉ុន្តែ បើពេលកំពុងព្យួរទោសនោះ ទណ្ឌិតនៅតែមិនរាងចាល ត្រូវដាក់ទោសដែលព្យួរនោះឡើងវិញ ។ ទី៣. ការអនុវត្តបទបញ្ញត្តិ នៃការអនុវត្តទោសការងារសហគមន៍ ទណ្ឌិតអាចចេញមកធ្វើការក្នុងសហគមន៍ ឬអង្គការក្រៅរដ្ឋាភិបាលបាននៅពេលថ្ងៃ តែពេលយប់ត្រូវទៅដេកក្នុងពន្ធនាគារវិញ ។
ចែករំលែកព័តមាននេះ