រាជធានីភ្នំពេញ ៖ កម្លាំងប៉ូលិសប៉ុស្តិ៍ចោមចៅ សហការជាមួយកម្លាំងប៉ូលិសខណ្ឌពោធិ៍សែនជ័យ រួមជាមួយបុគ្គលិកអគ្គិសនី បាន
រាជធានីភ្នំពេញ ៖ កម្លាំងប៉ូលិសប៉ុស្តិ៍ចោមចៅ សហការជាមួយកម្លាំងប៉ូលិសខណ្ឌពោធិ៍សែនជ័យ រួមជាមួយបុគ្គលិកអគ្គិសនី បានធ្វើការចាប់ខ្លួនក្រុមស្ទាវ៨នាក់ ក្រោយពីពេលមានការសង្ស័យថា ជនទាំងនោះកាប់ទៅលើកម្មករកាត់ដេរម្នាក់ឱ្យរងរបួសដេរអស់ជិត៤០ថ្នេរ ព្រមទាំងកាប់បំផ្លាញកញ្ចក់រថយន្តរបស់ក្រុមហ៊ុនអគ្គិសនីកម្ពុជា បណ្ដាលឱ្យរងការខូចខាតអស់៣គ្រឿងថែមទៀត ។
ហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង០២ និង៣០នាទីរសៀលថ្ងៃទី២៥ មករា ២០១៥ ស្ថិតនៅចំណុចមុខផ្ទះជួលលេខ៣៨ ផ្លូវជាតិលេខ៤ ក្នុងភូមិអង្គកែវ សង្កាត់ចោមចៅ ខណ្ឌពោធិ៍សែនជ័យ ខណៈនោះមានមនុស្សរាប់រយនាក់នាំគ្នាទៅចោមរោមមើល បន្ទាប់ពីឃើញសមត្ថកិច្ចប៉ូលិសរាប់សិបនាក់លើកគ្នាទៅព័ទ្ធចាប់ក្រុមជនបង្ក ហើយជនទាំងនោះនាំគ្នារត់ចូលទៅក្នុងយានដ្ឋាន រថយន្តដឹកទំនិញមួយកន្លែង ។
ប្រភពបានឱ្យដឹងថា ជនស្ទាវដែលត្រូវចាប់ខ្លួនទាំងនោះ ភ្លាមៗមានចំនួន៨នាក់ ប៉ុន្តែក្រោយពេលនាំយកទៅសាកសួរ ទើបដឹងថា អ្នកជាប់ពាក់ព័ន្ធ និងជាដៃដល់មានចំនួនតែ៤នាក់ប៉ុណ្ណោះ ក្នុងនោះមាន១-ឈ្មោះដុក ភារម្យ អាយុ២២ឆ្នាំ, ២-ឈ្មោះយ៉ន រ៉ាត់ អាយុ១៩ឆ្នាំ, ៣-ឈ្មោះស៊ គុយហាក់ អាយុ១៦ឆ្នាំ និង៤-ឈ្មោះគួ សុភាព អាយុ១៧ឆ្នាំ ពួកគេទាំង៤នាក់នោះ គឺជាព្រូរថយន្ត ស្នាក់នៅ ផ្ទះជួលក្បែរកន្លែងកើតហេតុខាងលើ ចំណែក៤នាក់ទៀតអត់ដឹងអី ត្រូវប៉ូលិសដោះលែងទៅវិញ។ ចំណែកជនរងគ្រោះឈ្មោះនាង
រីម ភេទប្រុស អាយុ២៣ឆ្នាំ ជាកម្មកររោងចក្រ មានលំនៅផ្ទះជួលកន្លែងកើតហេតុ ។
ប៉ូលីសឱ្យដឹងថា ដើមចមនៃរឿងទំនាស់នោះ គឺដំបូងប្អូនប្រុសជនរងគ្រោះម្នាក់ មានទំនាស់ជាមួយក្រុមជនសង្ស័យ ហើយត្រូវជន ទាំងនោះនាំគ្នាដេញវាយ ។ ខណៈពេលឃើញប្អូនប្រុសត្រូវមនុស្សមួយក្រុមដេញវាយបែបនេះ ជនរងគ្រោះក៏ទាញកាំបិតខ្វែវ១ស្ទុះរត់ចូលទៅជួយប្អូនប្រុស ប៉ុន្តែត្រូវជនទាំងនោះដណ្ដើមបានកាំបិតពីដៃវិញ ក៏បានកាប់ចំកដៃ១កាំបិតរងរបួសយ៉ាងដំណំ។
បន្ទាប់មក ជនរងគ្រោះបានរត់ទៅក្បែររថយន្តអគ្គិសនី ដែលកំពុងឈប់តបណ្ដាញភ្លើងនៅក្បែរនោះ ក៏ត្រូវជនសង្ស័យទាំងនោះដេញកាប់ជាច្រើនកាំបិតទៀត ប៉ុន្តែជនរងគ្រោះគេចផុត បណ្តាលឱ្យផ្លែកាំបិតប៉ះត្រូវរថយន្តខូចខាតបែកកញ្ចក់ចំនួន៣គ្រឿង ហើយក្រោយមកជនរងគ្រោះបានបន្តរត់គេចខ្លួនទៀតរហូតដួល ក៏ត្រូវក្រុមជនទាំងនោះកាប់ត្រូវខ្នងមួយកាំបិតទៀត បណ្ដាលឱ្យរងរបួស ធ្ងន់ធ្ងរដេរជិត៤០ថ្នេរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ