ខេត្តព្រះសីហនុ ៖ នៅព្រឹកថ្ងៃទី២៥ ខែមករា ឆ្នាំ២០១៥ នៅវត្តគីរីសុខារាម (ហៅវត្តបិតត្រាំង) ស្ថិតនៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ មានរៀបចំពិធីសម្ពោធដាក់អោយប្រើប្រាស់សាលាពុទ្ធិក បឋមសិក្សានិងធម្មបណ្ណាល័យរួមជាមួយសមិទ្ធិផលនានាជាច្រើនទៀតនៅវត្តខាងលើ ។ ពិធីនេះបានប្រព្រឹត្តទៅក្រោមអធិបតីភាពលោក ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោហ៊ុន សែន និង លោកជំទាវគតិព្រឹទ្ធបណ្ឌិត ប៊ុន រ៉ានីហ៊ុនសែន ។ អញ្ជើញចូលរួមជាភ្ញៀវកិត្តិយសនាឱកាសខាងលើនោះ មានលោក ឈិត សុខុន អភិបាលខេត្តព្រះសីហនុ លោក.លោកស្រី អភិបាលរងខេត្ត កងកម្លាំងប្រដាប់អាវុធ លោកគ្រូ.អ្នកគ្រូ ក្មួយៗសិក្សានុសិស្សបានមកចូលរួមសរុបចំនួន១៥៤៣នាក់ ។
ជាកិច្ចស្វាគមន៍ចំពោះគណៈអធិបតីនិងភ្ញៀវកិត្តិយសដែលបានអញ្ជើញមកចូលរួមលោក ទិត្យ វុទ្ធី អភិបាលស្រុកព្រៃនប់បានអានរបាយការសង្ខេបស្តីពីការរីកចំរើនលើគ្រប់វិស័យនៅក្នុងស្រុកព្រៃនប់ក៏ដូចជានៅទូទាំងខេត្តព្រះសីហនុអំពីសមិទ្ធិផលនានាទាំងអាណាចក្រនិងពុទ្ធចក្រ ។ ប្រជាពលរដ្ឋបានរស់នៅក្នុងកំរិតជីវភាពបានសមរម្យលោកបានបញ្ជាក់ឱ្យដឹងទៀតថាថ្ងៃនេះស្រុកព្រៃនប់មានមោទនភាពក្រៃលែងដែលបានការអញ្ជើញជាគណៈអធិបតីដ៏ខ្ពង់ខ្ពស់បំផុតពីលោក ហ៊ុន ម៉ាណែត តំណាងដ៏ខ្ពង់ខ្ពស់នៃសម្តេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិតនៅក្នុងពិធីសម្ពោធឆ្លងជាផ្លូវការនៅសាលាពុទ្ធកៈបឋមសិក្សានិងធម្មបណ្ណាល័យរបស់វត្តគីរីសុខារាម ដែលជាការរៀបចំឡើងដោយព្រះគ្រូចៅអធិការ លោកអាចារ្យ គណៈកម្មការវត្ត ពុទ្ធបរិស័ទ និងមានកិច្ចសហការជាមួយអាជ្ញាធរមូលដ្ឋានផងដែរ ។
លោក ទិត្យ វុទ្ធី បានបន្ថែមឱ្យដឹងទៀតថាសាលាពុទ្ធិកបឋមសិក្សានិងធម្មបណ្ណាល័យនៃវត្តខាងលើនេះបានចាប់ផ្តើមកសាងកាលពីថ្ងៃទី១០ ខែតុលា ឆ្នាំ២០១២ និងបានរួចរាល់ និងដាក់សម្ពោធប្រើប្រាស់តាមពេលវេលាខាងលើដោយចំណាយទឹកប្រាក់អស់ចំនួន៣៦៦៨៨៩ដុល្លារសហរដ្ឋអាមេរិក និង៣៩.៦០០០០០រៀលដែលជាថវិកាចូលរួមឧបត្ថម្ភក្នុងការសាងសង់ដោយលោក ទៀត វិញ និងលោកជំទាវ លោក ហ៊ីង ប៊ុហេងនិងលោកជំទាវ រួមជាមួយលោក អ៊ុក សីហា មេបញ្ជាការកងទ័ពជើងទឹកមូលដ្ឋានសមុទ្ររាមរួមជាមួយពុទ្ធបរិស័ទ និងបងប្អូនសប្បុរសជននានាជាច្រើនទៀត។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ