ខេត្តត្បូងឃ្មុំ ៖ ក្រោមការយកចិត្តទុកដាក់របស់លោកឧត្តមសេនីយ៍ត្រី ម៉ៅ ពៅ ស្នងការនគរបាលខេត្តបានចាត់ឲ្យកម្លាំងក្រោមឪវាទចុះអង្កេតស្រាវជ្រាវដិតដល់នៅទីបំផុតជនសង្ស័យចំនួន២នាក់ត្រូវបានសមត្ថកិច្ចឃាត់ខ្លួនកាលពីថ្ងៃទី២៣ មករា ២០១៥ ។ ដែលពាក់ព័ន្ធទៅនឹងសកម្មភាពប្លន់ផ្ទះប្រជាពលរដ្ឋឈ្មោះ វ៉ាត ឆន ភេទប្រុស អាយុ៤៦ឆ្នាំ
ខេត្តត្បូងឃ្មុំ ៖ ក្រោមការយកចិត្តទុកដាក់របស់លោកឧត្តមសេនីយ៍ត្រី ម៉ៅ ពៅ ស្នងការនគរបាលខេត្តបានចាត់ឲ្យកម្លាំងក្រោមឪវាទចុះអង្កេតស្រាវជ្រាវដិតដល់នៅទីបំផុតជនសង្ស័យចំនួន២នាក់ត្រូវបានសមត្ថកិច្ចឃាត់ខ្លួនកាលពីថ្ងៃទី២៣ មករា ២០១៥ ។ ដែលពាក់ព័ន្ធទៅនឹងសកម្មភាពប្លន់ផ្ទះប្រជាពលរដ្ឋឈ្មោះ វ៉ាត ឆន ភេទប្រុស អាយុ៤៦ឆ្នាំ នៅភូមិក្បាលស្លែង ឃុំជាំក្រវៀន ស្រុកមេមត់ កន្លងមកដោយយកបានប្រាក់ចំនួន១៤លានរៀល ព្រមទាំងគ្រឿងអលង្ការមួយចំនួន ហើយចោរប្លន់ថែមទាំងបាញ់គំរាម៤គ្រាប់ថែមទៀត ។
លោកវរសេនីយ៍ត្រី ចក់ សុខកៅ នាយការិយាល័យព្រហ្មទណ្ឌកំរិតធ្ងន់ខេត្តត្បូងឃ្មុំប្រាប់ឲ្យដឹងថាជនសង្ស័យទាំង២នាក់នោះមាន១.ឈ្មោះ សាន សៃ ភេទប្រុស អាយុ៤១ឆ្នាំ ២.ឈ្មោះ ស៊ាន ដារ៉ូ ហៅដូង ភេទប្រុស អាយុ២០ឆ្នាំ រស់នៅភូមិរបងច្រុះ ឃុំជាំក្រវៀន ស្រុកមេមត់ ដោយដកហូតបានពូថៅ១ ដែកគាស់១ ដែលជាមធ្យោបាយធ្វើសកម្មភាពកន្លងមកនោះ ។
លោកវរសេនីយ៍ត្រី ចក់ សុខកៅ នាយការិយាល័យព្រហ្មទណ្ឌកំរិតធ្ងន់ខេត្តបានរំលឹកថាលំនៅឋានផ្ទះឈើរបស់បុរសរងគ្រោះខាងលើ កំពុងតែនាំគ្នានៅជុំជាមួយនឹងសមាជិកជាច្រើននាក់ដោយមានចាស់ក្មេងកាលពីវេលាម៉ោង៨ និង៤០នាទីយប់ ថ្ងៃទី១៨ មករា២០១៥ មិនទាន់នឹងដេកលង់លក់ផងនោះ ត្រូវបានក្រុមចោរមួយក្រុមដែលមានគ្នាពី៤ទៅ៥នាក់ ប្រដាប់ដោយអាវុធមា AKចំនួន២ដើម និងកាំភ្លើងខ្លី១ដើម ពូថៅ១ ដែលគាស់១ បានមកចូលធ្វើសកម្មភាពភ្ជង់ ចាប់វាយម្ចាស់ផ្ទះឲ្យដេកផ្កាប់មុខទាំងអស់គ្នា ។ ក្រុមចោរទាំងនោះមានខ្លះបិទមុខ ដោយបានយកដែកគាស់បំបែកទ្វារទូររើកកាយជជុះខោអាវរាយប៉ាយពេញផ្ទះ ដើម្បីរកទ្រព្យសម្បត្តិដែលលាក់ទុក ។ ពេលដែលឃើញកូនស្រីម្ចាស់ផ្ទះឈ្មោះ ឆន ស្រីឡែន អាយុ២០ឆ្នាំ ពាក់ខ្សែកមាស១ខ្សែទង្ងន់១តម្លឹង និងខ្សែកផ្លាកទីន១ខ្សែទៀត៥ជី ត្រូវបានចោរមកទាញបណ្តាច់យកទាំងកំរោល ហើយចោរបានយកដែកគាស់ហឹបដាក់លុយយកបានចំនួន១៤លានរៀល ។ បន្ទាប់មកក្រុមចោរម្នាក់ដែលកាន់អាវុ AK បានបាញ់គំរាមចំនួន៤គ្រាប់មិនឲ្យម្ចាស់ផ្ទះណាម្នាក់ ចេញមុខមកតដៃជាមួយនឹងក្រុមចោរទាំងនោះឡើយ ។ ក្រោយពីសភាពការណ៍បានស្ងប់រាងយូរបន្តិច ធ្វើឲ្យអ្នកភូមិផងរបងជាមួយមានការភ្ញាក់ផ្អើល និងបាននាំគ្នាមកមើលផ្ទះបុរសរងគ្រោះ ។
សមត្ថកិច្ចបានបញ្ជាក់ថាជនសង្ស័យទាំង២នាក់ដែលត្រូវចាប់ខ្លួនខាងលើ ក្រោមការចង្អុលបង្ហាញពីជនរងគ្រោះស្គាល់ភិនភាគចំណាំមុខ ហើយនៅរសៀលថ្ងៃទី២៥ មករាឆ្នាំ ២០១៥ កំពុងស្ថិតនៅសាលាដំបូងខេត្ត
ក្រោមការសួរនាំហើយលោកឧត្តមសេនីយ៏ត្រីម៉ៅ ពៅ ស្នងការនគរបាលខេត្ត ឲ្យបន្តសុំដីកាតាមចាប់
បក្សពួកមួយចំនួនទៀតមកផ្តន្ទទោសតាមច្បាប់ ។
ចែករំលែកព័តមាននេះ