ខេត្តតាកែវ ៖ បញ្ហាប៉ុស្តិ៍ជជុះដែលបានបោះទីតាំងស្ទាក់ទូកដឹកទំនិញចេញចូលនៅច្រករបៀងឆែមួយ នៃស្រុកបុរីជលសា ខេត្តតាកែវជាច្រើនឆ្នាំមកហើយ ដោយគ្មានអាជ្ញាធរខេត្ត ស្រុក និងសមត្ថកិច្ចណាមួយមានវិធានការទប់ស្កាត់ឡើយ បើទោះបីជាមានការតវ៉ា ឬសំណូមពីរពីប្រជាពលរដ្ឋ និង អាជីវករអំពីការស្ទាក់ទូកជំរិតទារលុយពីក្រុមដែលដាក់ប៉ុស្តិ៍ជជុះទាំងនោះយ៉ាងណាក៍ដោយ ក៍គ្នានអស់លោកណាអើពើជួយដោះស្រាយនោះឡើយ ក៍ព្រោះតែអស់លោកទាំងនោះទទួលបានផលប្រយោជន៍ពីទីនោះផងដែរ ។
ប្រភពពីប្រជាពលរដ្ឋដែលរកស៊ីដឹកទំនិញតាមទូកយកទៅលក់នៅស្រុកយូនតាមច្រករបៀងឆែមួយ នៃឃុំបុរីជលសា ស្រុកបុរីជលសា ខេត្តតាកែវ បាននាំគ្នានិយាយថាការនាំទំនិញចេញចូលតាមច្រករបៀងឆែមួយជាប់ព្រំដែនវៀតណាមនេះ របស់អាជីវករគឺមានរាប់សិបឆ្នាំមកហើយដោយអ្នករកស៊ីធំៗ ដឹកតាមទូកយន្ត ទើបបើកតាមច្រកទ្វារទ្វេរភាគី កំពង់ក្រសាំងដែលជាផ្លូវត្រង់ តែចំពោះអាជីវកររកស៊ីដឹកទំនិញតាមទូកតូចបើកចេញចូលតាមច្រករបៀងឆែមួយនេះវាមានភាពងាយស្រួលជាង ។ ប្រភពដដែលបានបន្តទៀតថា ការរកស៊ីដឹកទំនិញតាមទូកចេញចូលតាមច្រករបៀងឆែមួយនេះវាមានភាពងាយស្រួលពិតមែន តែមានផលវិបាកផងដែរគឺគ្រាន់តែច្រកឆែមួយនេះទូកដឹកទំនិញទាំងអស់គឺត្រូវតែបង់លុយឱ្យថ្លៃប្រឡាយរបស់គេដោយក្នុងមួយទូកត្រូវបង់លុយពី៤ទៅ៥មឺុនរៀល និងមានប៉ុស្តិ៍ប៉ូលិសនឹងទាហានពួកគេទារលុយទៅតាមទូកធំឬទូកតូច រហូតមកដល់ឆ្នាំ២០១៤ កន្លងមកនេះស្រាប់តែលោក ឡាយ វណ្ណៈ បានចារលិខិតអនុញ្ញាតិឱ្យក្រុមចម្រុះដែលមានលោក សឹុម សំអុល ជាប្រធានស្នាក់ការត្រួតពិនិត្យរបស់សាលាខេត្ត មានកាំកុងត្រូលនិង ប៉ូលិសដែលមកបោះទីទាំងចងអង្រឹងនឹងទូកមួយគ្រឿង ចាំដេញទូកដឹកទំនិញគ្រប់ប្រភេទឱ្យចូលបង់លុយដែលមានរយៈពេលរាប់សិបឆ្នាំមកហើយ អត់ដែលមានក្រុមជំរិតនៅទីនេះឡើយ ។ ដោយឡែកនៅច្រកធំវិញរៀងរាល់ថ្ងៃនេះពិបាករកស៊ីណាស់ចំណេញបន្តិចបន្តួចគ្រាន់តែចិញ្ចឹមសមត្ថកិច្ចទាំងអស់នោះទេ ។
ពាក់ព័ន្ធនឹងក្រុមជំរិតមកដាក់ប៉ុស្តិ៍នៅច្រករបៀងឆែមួយខាងលើនេះ លោក ឡាយ វណ្ណៈ អភិបាលខេត្តតាកែវ បានប្រាប់កោះសន្តិភាពតាមទូរស័ព្ទថា មុននឹងលោកអនុញ្ញាតិឱ្យមានក្រុមចម្រុះនៅក្បែរច្រករបៀងឆែមួយព្រោះជាច្រករត់ពន្ធទំនិញ ហើយក្រុមចម្រុះនោះគឺចល័ត អត់បោះទីតាំងទេរាល់ទំនិញចេញចូលតាមច្រកឆែមួយយើងធ្វើការត្រួតពិនិត្យទាំងអស់ ។ បើឈ្មួញរកស៊ីរត់ពន្ធចំនេញ១ដុល្លារ ក៍ត្រូវឱ្យក្រុមចម្រុះ១ដុល្លារដែរ ។
ចែករំលែកព័តមាននេះ