រាជធានីភ្នំពេញ ៖ យុវជន២នាក់ រងរបួសធ្ងន់ធ្ងរសន្លប់ស្តូកស្តឹងនៅនឹងកន្លែង ខណៈដែលជិះម៉ូតូ២គ្រឿងផ្សេងគ្នា ស្រាប់តែមានរថយន្តប្រភេទកុងតឺន័រមួយគ្រឿងបើកច្រាសទិស បើកជែងរថយន្តខាងមុខ ហើយជ្រុលទៅកៀរម៉ូតូ ជនរងគ្រោះមួយគ្រឿងហើយមួយគ្រឿងទៀតបន្តបន្ទាប់គ្នាបន្ទាប់មករថយន្តបង្កព្យាយាមបើករត់គេចបាត់ដោយសុវត្តិភាព ។
រាជធានីភ្នំពេញ ៖ យុវជន២នាក់ រងរបួសធ្ងន់ធ្ងរសន្លប់ស្តូកស្តឹងនៅនឹងកន្លែង ខណៈដែលជិះម៉ូតូ២គ្រឿងផ្សេងគ្នា ស្រាប់តែមានរថយន្តប្រភេទកុងតឺន័រមួយគ្រឿងបើកច្រាសទិស បើកជែងរថយន្តខាងមុខ ហើយជ្រុលទៅកៀរម៉ូតូ ជនរងគ្រោះមួយគ្រឿងហើយមួយគ្រឿងទៀតបន្តបន្ទាប់គ្នាបន្ទាប់មករថយន្តបង្កព្យាយាមបើករត់គេចបាត់ដោយសុវត្តិភាព ។ ហេតុការណ៍នេះកើតឡើង កាលពីវេលាម៉ោង៧និង៣៥នាទី យប់ថ្ងៃទី២៤ ខែមករា ឆ្នាំ២០១៥ ស្ថិតនៅលើកំណាត់ ផ្លូវជាតិលេខ៣ ភូមិព្រៃកីខ សង្កាត់ពងទឹក ខណ្ឌដង្កោ រាជធានីភ្នំពេញ ។
ជនរងគ្រោះទាំង២នាក់ ស្ថិតក្នុងស្ថានភាពសន្លប់ឈឹង តែត្រូវបានសមត្ថកិច្ច អះអាងតាមរយះអត្តសញ្ញាណប័ណ្ណនៅជាប់និងខ្លួន ជនរងគ្រោះទី១-ឈ្មោះ កែវ ពិសិដ្ឋ ភេទប្រុស អាយុ២២ឆ្នាំ ជានិស្សិត សាលាន័រតុន មានទីលំនៅ សង្កាត់បឹងទំពុន ខណ្ឌមានជ័យ ជិះម៉ូតូ ម៉ាកហុងដា សេ១២៥ ស៊េរី២០១២ ពណ៌ខ្មៅ ពាក់ស្លាកលេខភ្នំពេញ1BE-4192 ។ ចំណែកជនរងគ្រោះទី២-ឈ្មោះ ជា ឥន្ទរិទ្ធី ភេទប្រុស អាយុ១៩ឆ្នាំ ស្នាក់នៅភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ ជិះម៉ូតូ ម៉ាកសេ១២៥ ស៊េរី២០១៤ ពណ៌ខ្មៅ ពាក់ស្លាកលេខភ្នំពេញ1CP-9088 ។
តាមក្រុមកម្មករ-កម្មការនីរោងចក្រ ដែលរងចាំជិះរថយន្ត ធ្វើដំណើរត្រឡប់ទៅលំនៅដ្ឋាន នៅអង្គុយក្បែរកន្លែងកើតហេតុ បានឲ្យដឹងថាមុនកើតហេតុ គេឃើញមានរថយន្តកុងតៃតឺន័រមួយគ្រឿង មិនចាំម៉ាក មិនចាំស្លាកលេខ ធ្វើដំណើរបើកបោះពួយពីជើងទៅត្បូង លុះដល់ចំណុចកើតហេតុខាងលើ បានបើកវារថយន្តមួយគ្រឿងបើកនៅពីខាងមុខហើយជ្រុលទៅ កៀរម៉ូតូ របស់ជនរងគ្រោះ មួយគ្រឿងហើយមួយគ្រឿង ដែលធ្វើដំណើរពីត្បូងទៅជើង ច្រាសទិសជាមួយរថយន្តបង្ក បណ្តាលឲ្យដួលម៉ូតូទាំង២គ្រឿងដួលបោលទៅលើថ្នល់ មនុស្ស២នាក់រងរបួសធ្ងន់ធ្ងរ ដេកសន្លប់នៅនឹងកន្លែង ម៉ូតូខ្ទេចមូុយកំណាត់មុខទាំង២គ្រឿង ចំណែករថយន្តបង្ក ក្រោយកើតហេតុ បានព្យាយាមបើករត់គេចបាត់ដោយសុវត្តិភាព ។
តាមសមត្ថកិច្ចចុះទៅអន្តរាគមន៍កន្លែងកើតហេតុ បានឲ្យដឹងថា ជនរងគ្រោះត្រូវបានរថយន្តសង្រ្គោះ របស់អង្គភាព៧១១ ដឹកបញ្ជូនទៅមន្ទីរពេទ្យព្រះកុសុមះ រីឯម៉ូតូ ត្រូវបានសមត្ថកិច្ចយកទៅរក្សាទុកនៅប៉ុស្តិ៍ពងទឹក ខណ្ឌដង្កោ ខណៈដែលរថយន្តបង្កបើកគេចខ្លួនបាត់ ។
ចែករំលែកព័តមាននេះ