ដឹកប្រហិត៣តោនចេញពីជ្រៃធំទៅបាត់ដំបង ជាប់ត្រឹមកំពង់ឆ្នាំង
ខេត្តកំពង់ឆ្នាំង ៖ ប្រហិតចំនួន៣តោន ដែលគ្មានលិខិតអនុញ្ញាតពីអាជ្ញាធរ បានត្រូវសមត្ថកិច្ចខេត្តកំពង់ឆ្នាំងឃាត់ទុក ។
ខេត្តកំពង់ឆ្នាំង ៖ ប្រហិតចំនួន៣តោន ដែលគ្មានលិខិតអនុញ្ញាតពីអាជ្ញាធរ បានត្រូវសមត្ថកិច្ចខេត្តកំពង់ឆ្នាំងឃាត់ទុក ។
ហេតុការណ៍ឃាត់រថយន្តនីសាន់ ព៌ណទឹកបា្រក់ ពាក់ស្លាកលេខភ្នំពេញ 2F 9245 ផ្ទុកប្រហិតពេញនេះ បានកើតឡើងនៅម៉ោង៣ទៀបភ្លឺឈានចូលថ្ងៃទី២៥ មករា ២០១៥ តាមបណ្តោយផ្លូវជាតិលេខ៥ នៅមុខផ្ទះសំណាក់ “សុខ ថៃសាន” ក្នុងភូមិស្រែព្រីង សង្កាត់-ក្រុងកំពង់ឆ្នាំង ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីសមត្ថកិច្ចឲ្យដឹងថា ក្នុងហេតុការណ៍នេះដែរ សមត្ថកិច្ចបានឃាត់អ្នកបើកបររថយន្តឈ្មោះ ញឹក រ៉ាឌី ភេទប្រុស អាយុ២៨ឆ្នាំ រស់នៅក្នុងភូមិប៉ពិត្រ ឃុំអន្លង់ត្នោត ស្រុកក្រគរ ខេត្តពោធិសាត់ និងថាប្រហិតចំនួន០៣តោនខាងលើដឹកចេញពីជ្រៃធំ ស្រុកកោះធំ ខេត្តកណ្តាល ក្នុងបំណងយកទៅចែកចាយនៅខេត្តបាត់ដំបង ។
សេចក្តីរាយការណ៍បានបន្តថា នៅព្រឹកថ្ងៃអាទិត្យនេះ តំណាងអយ្យការអមសាលាដំបូងខេត្ត កំពុងរង់ចំាខាងមន្រ្តីកំាកុងត្រូលមកពិនិត្យទៀត បើសិនរកឃើញថាអត់មានគុណភាពនឹងត្រូវចាត់ការស្រាវជ្រាវរកម្ចាស់ ដើម្បីឃាត់ខ្លួនបញ្ជូនទៅសាលាដំបូងផ្តន្ទាទោសតាមច្បាប់ ៕
ចែករំលែកព័តមាននេះ