ខេត្តក្រចេះ ៖ សមត្ថកិច្ចចម្រុះ សម្រេចធ្វើការចាប់ឃាត់រថយន្តសាំយ៉ុងដឹកឈើប្រណីត មួយគ្រឿងដែលបើករត់គេចពីការដេញតាមប្រម៉ាញ់ និងមកសម្ងំលាក់ខ្លួននៅក្នុងហាង បាយមួយកន្លែងនៅខាងក្រោយផ្សារក្រចេះកាលពីព្រឹកថ្ងៃទី ២៤ មករា ឆ្នាំ២០១៥ ។សមត្ថកិច្ចនិយាយថា រថយន្តសាំយ៉ុងមួយគ្រឿងនេះមានផ្ទុកឈើប្រណីត
ខេត្តក្រចេះ ៖ សមត្ថកិច្ចចម្រុះ សម្រេចធ្វើការចាប់ឃាត់រថយន្តសាំយ៉ុងដឹកឈើប្រណីត មួយគ្រឿងដែលបើករត់គេចពីការដេញតាមប្រម៉ាញ់ និងមកសម្ងំលាក់ខ្លួននៅក្នុងហាង បាយមួយកន្លែងនៅខាងក្រោយផ្សារក្រចេះកាលពីព្រឹកថ្ងៃទី ២៤ មករា ឆ្នាំ២០១៥ ។សមត្ថកិច្ចនិយាយថា រថយន្តសាំយ៉ុងមួយគ្រឿងនេះមានផ្ទុកឈើប្រណីតប្រភេទនាងនួន និង ធ្នង់ជាង១០០កំណាត់តូចធំ ។ ហើយបានបើករត់គេចពីការដេញចាប់របស់ក្រុមសមត្ថកិច្ចតែក៏ត្រូវបានចាប់បង្រ្កាបបាននៅពេលដែលរថយន្តមួយនេះ បានបើកចូលទៅសម្ងំលាក់ខ្លួននៅក្នុងហាងបាយមួយយីហោរ រស្មី មានទីតាំងនៅខាងក្រោយផ្សារក្រចេះ ។
បើតាមការឲ្យដឹងពីសមត្ថកិច្ច ដែលមាននាទីបង្រ្កាបបទល្មើសព្រៃឈើបានឲ្យដឹងថា សមត្ថកិច្ចសម្រេចចាប់រឹបអូសរថយន្តសាំយ៉ុង និងឈើប្រណីតជាង១០០កំណាត់ បរិមាណ ជាង១ម៉ែត្រគូបដែលមានម្ចាស់ឈ្មោះ ទ្រី នាំប្រគល់ទៅឲ្យស្ថាប័នជំនាញរដ្ឋបាលព្រៃឈើក្រចេះ បើទោះបីជាការចុះបង្រ្កាបគឺត្រូវម្ចាស់ហាងបាយយីហោរ រស្មីមួយនេះបានចេញមករារាំងសមត្ថកិច្ចមិនឲ្យចាប់បង្រ្កាបយ៉ាងណាក៏ដោយ។សេចក្តីរាយការណ៏បានឲ្យដឹងថា រថយន្តដឹកឈើនេះ គឺមានម្ចាស់ឈ្មោះ ទ្រី បានបើកដឹកចេញពីខេត្តស្ទឹងត្រែង បំណងនាំទៅស្រុកមេម៉ត់ ខេត្តត្បូងឃ្មុំ ។ ហើយក្រោយពីដឹងថា មានការតាមប្រម៉ាញ់ពីសមត្ថកិច្ចរថយន្តដឹកឈើនេះ បានមកសម្ងំចតនៅហាងបាយ យីហោររស្មី មានទីតាំងនៅខាងក្រោយទីប្រជុំជនខេត្ត ។ និងស្របពេលដែលហាងបាយមួយនេះកន្លងមកគឺមានរថយន្តដឹកឈើមួយចំនួន តែងតែបើកចូលមកសម្ងំលាក់នៅហាងបាយនេះដែលជាកន្លែងមានសុវត្ថិភាព ព្រោះមានម្ចាស់ហាងជាអ្នកចេញមុខកាង ។
នាយសង្កាត់រដ្ឋបាលព្រៃឈើក្រចេះ លោក ម៉ី វុទ្ឋី បានឲ្យដឹងថាបើទោះបីជាមានការ រារាំងពីសំណាក់ម្ចាស់ហាងបាយយ៉ាងណាក៏ដោយ ក៏សមត្ថកិច្ចបានសម្រេចចាប់រឹបអូសរថយន្តដឹកឈើនេះបណ្តោះអាសន្ន បន្ទាប់ពីទទួលបានការឯកភាពពីសំណាក់ស្ថាប័នអយ្យការរួចមកនោះ។
ចែករំលែកព័តមាននេះ