ខេត្តឧត្តរមានជ័យ ៖ឈើតាសេកនឹងឈើធ្នង់កំពុងតែមានហាងឆេងខ្ពស់ក្រុមឈ្មួញខ្មែរបានដើរប្រមូលទិញពីប្រជាពលរដ្ឋក្នុងខេត្តឧត្តរមានជ័យហើយសម្រុកដឹកជញ្ជូនតាមរថយន្តយីឌុបនាំចេញទៅលក់នៅប្រទេសថៃយ៉ាងគគ្រឹកគគ្រេងទាំងយប់ទាំងថ្ងៃដោយពួកគេបានអះអាងថាមានច្បាប់(P.C) ក្នុងការដឹកជញ្ជូនគ្រប់គ្រាន់ ។
ខេត្តឧត្តរមានជ័យ ៖ឈើតាសេកនឹងឈើធ្នង់កំពុងតែមានហាងឆេងខ្ពស់ក្រុមឈ្មួញខ្មែរបានដើរប្រមូលទិញពីប្រជាពលរដ្ឋក្នុងខេត្តឧត្តរមានជ័យហើយសម្រុកដឹកជញ្ជូនតាមរថយន្តយីឌុបនាំចេញទៅលក់នៅប្រទេសថៃយ៉ាងគគ្រឹកគគ្រេងទាំងយប់ទាំងថ្ងៃដោយពួកគេបានអះអាងថាមានច្បាប់(P.C) ក្នុងការដឹកជញ្ជូនគ្រប់គ្រាន់ ។ ហេតុការណ៍នេះបានកើតឡើងនៅក្នុងភូមិកណ្តែក សង្កាត់សំរោង ក្រុងសំរោងកាលពីវេលាម៉ោង៥និង៣០នាទីល្ងាច ថ្ងៃទី២២មករា ២០១៥ កន្លងទៅនេះ ។
យោងតាមសម្តីពីប្រជាពលរដ្ឋឲ្យដឹងថាសព្វថ្ងៃនេះនៅក្នុងខេត្តឧត្តរមានជ័យឈើតាសេកឈើធ្នង់នឹងដើមឈើក្រំកំពុងតែមានហាងឆេង១ម៉ែត្រគូបតម្លៃរាប់ពាន់ដុល្លារអាមេរិកហើយក្រុមឈ្មួញបានបំផុសតម្រូវឲ្យប្រជាពលរដ្ឋក្នុងខេត្តធ្វើលក់ឲ្យពួកគេបន្ទាប់ពីបានទទួលការបំផុសរួចមកគឺប្រជាពលរដ្ឋបាននាំគ្នីគ្នារុករកកាប់ដើមតាសេកដើមធ្នង់ដើមឈើក្រំយកមកលក់ឲ្យក្រុមឈ្មួញទាំងនេះយកលុយមកចិញ្ចឹមជីវិតនៅក្នុងក្រុមគ្រួសារផងដែរ ។ យោងតាមសម្តីរបស់សមត្តកិច្ចជាច្រើនស្ថាប័នក្នុងខេត្តឧត្តរមានជ័យបានឲ្យដឹងថាបន្ទាប់ពីឈើទាំងនេះមានហាងឆេងមកគេបានសង្កេតឃើញលោកវរសេនីយ៍ទោ រស់ ជុកនាយរងការិយាល័យទី២កងពលតូចថ្មើជើងលេខ៤២ ធ្លាប់តែរកស៊ីឈើគ្រញួងត្រូវបានងាកមករកស៊ីប្រភេទឈើតាសេកឈើធ្នង់នឹងឈើក្រំវិញលើសពីនោះនូវមានក្រុមឈ្មួញជាច្រើនទៀតជាអ្នកមានអំណាចបានចេញមុខរកស៊ីផងដែរ។
សមត្តកិច្ចដដែលបានបញ្ចាក់ថាបន្ទាប់ពីពួកគេបានអះអាងថាមានច្បាប់ (P.C) ដឹកចេញទៅកាន់ភូមិស្ពានយោល ឃុំជ្រៃសីម៉ា ស្រុកសំពៅលូន ខេត្តបាត់ដំបងយកទៅលក់ឲ្យចៅកែថៃជាអ្នកទទួលទិញនៅមាត់ច្រកទ្វារសំពៅលូនក៍អាចថាបានដែរហើយសមត្ថកិច្ចក្នុងខេត្តមួយចំនួនបាននាំគ្នាឆ្ងល់ថា(P.C) ដែលដឹកចេញស្មើរ២០ម៉ែត្រគូបដាក់ទៅដល់៤០ទៅ៥០ម៉ែត្រគូបបង្កឲ្យផ្លូវជាតិរងការខូចខាតជាច្រើនកន្លែងផងដែរ។ហើយមានពាក្យចរចាមរាមជាច្រើនថាក្រុមហ៊ុនដីសប្បទានទន្លេស៊ូហ្គើរ ដែលរាជរដ្ឋាភិបាលបាននរាករណ៍ចោលហើយបែរជាលោក ម៉ៅ បរិមិន្ទ នាយផ្នែករដ្ឋបាលព្រៃឈើក្រុងសំរោងយកមកប្រើប្រាស់ដោយចុះហត្តលេខានឹងត្រានៅលើក្រដាស(P.C) នាំចេញឈើទៅវិញ ។ ទាក់ទិននឹងហេតុការនេះនារសៀលថ្ងៃទី២៤ មករា ២០១៥ កោះសន្តិភាពបានទូរស័ព្ទជួបលោកវរសេនីយ៍ទោ រស់ ជុក នាយរងការិយាល័យទី២កងពលតូចថ្មើរជើងលេខ៤២ លោកបានឆ្លើយបំភ្លឺតាមលេខទូរស័ព្ទថាលោកប្រមូលទិញឈើតាសេកនេះគឺធ្វើឲ្យក្រុមហ៊ុនគ្រាន់តែបានកំរៃចំណេញបន្តិចបន្ទួចសម្រាប់ចាយវាយប៉ុណ្ណោះ ។
នារសៀលថ្ងៃទី២៤ មករា ២០១៥ លោក ម៉ៅ បរិមិន្ទ នាយផ្នែករដ្ឋបាលព្រៃឈើសំរោងបានបំភ្លឺតាមរយះលេខទូរស័ព្ទថាក្រុមហ៊ុនព្រៃសប្បទានទន្លេស៊ូហ្គើរនេះមិនទាន់បានលុបនោះទេព្រោះលោកមិនទាន់បានទទួលក្រដាសស្នាមណាមួយជាក់លាក់ហើយមិនដូចពាក្យចរចាមថាឡើយ ។ ចំណែកលោកបានចុះហត្ថលេខានឹងត្រាដឹកទៅកាន់ភូមិស្ពានយោល ឃុំជ្រៃសីម៉ា ស្រុកសំពៅលូន ខេត្តបាត់ដំបងនោះគឺឈើសម្រាប់ប្រើប្រាស់ក្នុងស្រុកតែដឹកនាំទៅប្រទេសក្រៅលោកមិនមានសិទ្ធទេ ។
លោក ស ថាវី អភិបាលខេត្តឧត្តរមានជ័យបានបញ្ជាក់តាមទូរស័ព្ទឲ្យកោះសន្តិភាពដឹងនារសៀលថ្ងៃទី២៤ មករា ២០១៥ ថាឈើដែលក្រុមហ៊ុនទន្លេស៊ូហ្គើរ ដឹកចេញនេះគឺស្របច្បាប់ហើយមាន (P.C)ចំនួន២ច្បាប់ដែលអាជ្ញាធរខេត្តបានទទួលគឺច្បាប់ទី១ដឹកយកទៅប្រើប្រាសនៅក្នុងស្រុកច្បាប់ទី២ គឺដឹកចេញទៅក្រៅស្រុក ។
ចែករំលែកព័តមាននេះ