រាជធានីភ្នំពេញ ៖ រថយន្តមែសឺដែសស៊េរីទំនើបមួយគ្រឿងអ្នកបើកបរបើកលឿនដូចហោះបានរេចង្កូតទៅបុករះរនាំងដែកពុះចែកទ្រូងផ្លូវបាក់អស់១៣ផ្ទាំង បណ្តាលឱ្យរថយន្តដាច់ការឡេកង់មុខខាងឆ្វេងបើកទៅមុខលែងរួចចំណែកអ្នកបើកបរនិងអ្នករួមដំណើរមិនមានរងរបួសបានទ្វាររថយន្តរត់គេចខ្លួនបាត់ស្រមោល ។
រាជធានីភ្នំពេញ ៖ រថយន្តមែសឺដែសស៊េរីស្ព័រមួយគ្រឿងអ្នកបើកបរបើកលឿនដូចហោះបានរេចង្កូតទៅបុករះរនាំងដែកពុះចែកទ្រូងផ្លូវបាក់អស់១៣ផ្ទាំង បណ្តាលឱ្យរថយន្តដាច់ការឡេកង់មុខខាងឆ្វេងបើកទៅមុខលែងរួចចំណែកអ្នកបើកបរនិងអ្នករួមដំណើរមិនមានរងរបួសបានបើកទ្វាររថយន្តរត់គេចខ្លួនបាត់ស្រមោល ។ ហេតុការណ៍នេះកើតឡើងកាលពីវេលាម៉ោង១ និង២០នាទីរំលងអាធ្រាត្រឈានចូលថ្ងៃទី២៤ មករា ឆ្នាំ២០១៥ នៅចំណុចមុខហាងកាត់ដេរសំលៀកបំពាក់យីហោវិមានឯករាជ្យកាត់ដេរ តាមបណ្តោយផ្លូវព្រះសីហនុ ស្ថិតក្នុងសង្កាត់បឹងកេងកង១ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តមែសឺដែសស្ព័រមួយគ្រឿង ពណ៌ស អត់មានពាក់ស្លាកលេខបើកបរដោយបុរសម្នាក់ និងរួមដំណើរដោយបុរសម្នាក់ទៀតបានបើកបរធ្វើដំណើរក្នុងល្បឿនលឿនដូចហោះតាមផ្លូវព្រះសីហនុ ក្នុងទិសដៅពីលិចទៅកើត ខណៈមកដល់ចំណុចកើតហេតុរថយន្តក៏បានរេចង្កូតទៅបុករះរនាំងដែកពុះចែកទ្រូងផ្លូវបាក់១៣ផ្ទាំង បណ្តាលឱ្យរថយន្តដាច់ការឡេកង់មុខខាងឆ្វេងបើកទៅមុខលែងរួចចំណែកអ្នកបើកបរ និងអ្នករួមដំណើរមិនមានរងរបួសបានបើកទ្វាររថយន្តរត់គេចខ្លួន បាត់ស្រមោល ។ នៅកន្លែងកើតហេតុសមត្ថកិច្ចមិនទាន់ស្គាល់អត្តសញ្ញាណអ្នកបើករថយន្តបង្កនៅឡើយទេ ។
ក្រោយពេលកើតហេតុសមត្ថកិច្ចបាននាំយករថយន្តបង្កខាងលើទៅកាន់ការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញរងចាំម្ចាស់រថយន្តចូលខ្លួនមកដោះស្រាយតាមនិតិវិធីច្បាប់ ។
ចែករំលែកព័តមាននេះ