ខេត្តសៀមរាប ៖ កម្លាំងការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត ព្រមទាំងមន្ទីរសុខាភិបាលខេត្ត បានចូលរួមសហការណ៍គ្នា ធ្វើការត្រួតពិនិត្យ
ខេត្តសៀមរាប ៖ កម្លាំងការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត ព្រមទាំងមន្ទីរសុខាភិបាលខេត្ត បានចូលរួមសហការណ៍គ្នា ធ្វើការត្រួតពិនិត្យ និងឈានដល់ធ្វើការឆែកឆេររកឃើញនូវប្រភេទឱសថហួសការបរិច្ឆេទ ចំនួន៤១មុខ ស្មើនឹង២០៧៩គ្រាប់ អត់ចុះបញ្ជី ដែលម្ចាស់ទុកសម្រាប់យកមកលក់ និងឲ្យអ្នកជម្ងឺដែលមកព្យាបាលនៅក្នុងគ្លីនិកនេះ ប៉ុន្តែគ្លីនិកយីហោ (គុណធម៌) នេះ គឺគ្មានច្បាប់ពិនិត្យព្យាបាលត្រឹមត្រូវ ថែមទាំងមិនទាន់បានចុះបញ្ជីការពីក្រសួងសុខាភិបាលទេ បន្ទាប់ពីសមត្ថកិច្ចជំនាញត្រួតពិនិត្យរកឃើញបែបនេះ ក៏បាននាំយកវត្ថុតាង មកកាន់ការិយាល័យនគរបាលជំនាញតែម្តង ។
ការចុះបង្ក្រាបឈានដល់ឆែកឆេរនេះធ្វើឡើងកាលពីថ្ងៃទី២៣ ខែមករា ឆ្នាំ២០១៥ នៅក្នុងផ្ទះគ្លីនិកឯកជនយីហោ គុណធម៌ ស្ថិតនៅភូមិខ្នារ សង្កាត់ជ្រាវ ក្រុងសៀមរាប ។
លោកវរសេនីយ៍ឯក សឿន សេន បានឲ្យដឹងថា បច្ចុប្បន្នម្ចាស់គ្លីនិកឯកជនយីហោ គុណធម៌ នេះ ត្រូវបានសមត្ថកិច្ចធ្វើការផ្អាកពិន័យ ចំនួន៥លានរៀល ទៅតាមច្បាប់អន្តរកាល ដែលមិនទាន់បានចុះបញ្ជីការ ស្តីពីការគ្រប់គ្រងឱសថ ដើម្បីកុំឲ្យអ្នកលក់ឱសថ ឬអ្នកព្យាបាលផ្សេងយកគំរូតាមគ្លីនិកមួយនេះទៀត ។ លោកបានបន្តទៀតថា កម្លាំងជំនាញបានប្រគល់វត្ថុតាងទាំងអស់ទៅឲ្យមន្ទីរសុខាភិបាលខេត្ត ដើម្បីធ្វើការដុតកំទេចចោល ៕
ចែករំលែកព័តមាននេះ