កម្មករប្រមូលសំរាមនៅទឹកដីថៃត្រូវរថយន្តបុក គ្រូពេទ្យមើលមិនជាបញ្ជូនមកស្រុកកំណើតវិញ
ខេត្តបន្ទាយមានជ័យ ៖ ពលករម្នាក់ត្រូវរថយន្តបុកឱ្យរងរបួសធ្ងន់នៅខេត្តឈុនបុរី ប្រទេសថៃ បានដេកពេទ្យអស់ជាច្រើនថ្ងៃមើលមិន
ខេត្តបន្ទាយមានជ័យ ៖ ពលករម្នាក់ត្រូវរថយន្តបុកឱ្យរងរបួសធ្ងន់នៅខេត្តឈុនបុរី ប្រទេសថៃ បានដេកពេទ្យអស់ជាច្រើនថ្ងៃមើលមិនជា ក៏ត្រូវគេបញ្ជូនឱ្យសាច់ញាតិវិញតាមច្រកទ្វារអន្តរជាតិប៉ោយប៉ែត កាលពីវេលាម៉ោង០២រសៀលថ្ងៃទី២៣ មករា ២០១៥ ។
ប្រភពបានឱ្យដឹងថា ជនរងគ្រោះមានឈ្មោះហឿង រិន ភេទប្រុស អាយុ២២ឆ្នាំ ជាកម្មករប្រមូលសំរាមឱ្យក្រុមហ៊ុនមួយនៅខេត្តឈុនបុរី ប្រទេសថៃ មានទីលំនៅក្នុងភូមិបេង ឃុំបន្ទាយស្ទោង ស្រុកស្ទោង ខេត្តកំពង់ធំ ។
ប្រភពបន្តថា ជនរងគ្រោះរងរបួសធ្ងន់ស្ទើរដង្ហើមចុងក្រោយទៅហើយ ដោយជើងខាងស្តាំត្រូវបានកាត់ចេញ និងសន្លប់ស្ដូកស្ដឹងមិនអាចនិយាយស្ដីបាន ព្រមទាំងភ្ជាប់ទៅដោយខ្យល់អុកស៊ីហ្សែនទៀតផង ។
បើតាមស្ត្រីឈ្មោះអៀង ភឿត អាយុ៤៥ឆ្នាំ ជាម្ដាយជនរងគ្រោះប្រាប់កោះសន្តិភាពថា កូនប្រុសរបស់គាត់ត្រូវរថយន្តតូចមួយគ្រឿងបុកកាលពីវេលាម៉ោងជាង០៨ព្រឹកថ្ងៃទី២៨ ធ្នូ ២០១៤ ខណៈកូនរបស់គាត់កំពុងធ្វើការប្រមូលសំរាមតាមដងផ្លូវ ហើយរថយន្តបង្កបានបុកពីក្រោយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ