បំពុលឆ្កែងាប់៤ក្បាលយកក្របីអស់៣ក្បាលនៅស្រុកភ្នំក្រវាញ
ខេត្តពោធិ៍សាត់ ៖ ក្រុមចោរមួយក្រុមបានធ្វើសកម្មភាព ដាក់ថ្នាំបំពុលឆ្កែងាប់អស់ចំនួន៤ក្បាល ហើយស្រាយយកក្របីអ្នកស្រុក ពីចំណងអស់ចំនួន៣ក្បាល
ខេត្តពោធិ៍សាត់ ៖ ក្រុមចោរមួយក្រុមបានធ្វើសកម្មភាព ដាក់ថ្នាំបំពុលឆ្កែងាប់អស់ចំនួន៤ក្បាល ហើយស្រាយយកក្របីអ្នកស្រុក ពីចំណងអស់ចំនួន៣ក្បាល
ខេត្តពោធិ៍សាត់ ៖ ក្រុមចោរមួយក្រុមបានធ្វើសកម្មភាព ដាក់ថ្នាំបំពុលឆ្កែងាប់អស់ចំនួន៤ក្បាល ហើយស្រាយយកក្របីអ្នកស្រុក ពីចំណងអស់ចំនួន៣ក្បាល កាលពីវេលារំលងអាធ្រាតឈានចូល ថ្ងៃទី២២ ខែមករា ឆ្នាំ២០១៥ នៅភូមិសំរោង ឃុំសំរោង ស្រុកភ្នំក្រវាញ ។
ម្ចាស់ក្របីឈ្មោះឈួន រុំ ភេទប្រុស អាយុ៥២ឆ្នាំ រស់នៅភូមិឃុំកើតហេតុខាងលើ បានប្រាប់កោះសន្តិភាពឲ្យដឹងថា ក្របីរបស់គាត់ទាំង៣ក្បាល ដែលត្រូវចោរលួចនេះ ជាមេ២ក្បាលឈ្មោល១ក្បាល ចងឲ្យដេក នៅចំហៀងក្បែរផ្ទះចម្ងាយប្រហែល១០ម៉ែត្ររៀងរាល់យប់ ។ នៅយប់ថ្ងៃទី២១ នោះ គាត់ចងឲ្យដេកដូចរាល់ដង លុះវេលាម៉ោង៣ និង៣០នាទី ទៀបភ្លឺ ឈានចូលថ្ងៃទី២២ ខែមករា គាត់ចុះដីនោម ស្រាប់តែបាត់ក្របីទាំង៣ក្បាល របស់គាត់ពីចំណង ហើយឃើញឆ្កែដេកងាប់ចំនួន៤ក្បាល ជុំវិញផ្ទះ ទើបដឹងថា ចោរលួច ។ ភ្លាមៗនោះគាត់បានតាមរកទាំងយប់ តែមិនឃើញ ទាល់តែសោះលុះព្រឹកឡើង ទើបរាយរណ៍ប្រាប់នគរបាលប៉ុស្តិ៍រដ្ឋបាល ដើម្បីជួយអន្តរាគមន៍ ។
ករណីនេះសមត្ថកិច្ចបានសហការគ្នាតាមប្រមាញ់ក្រុមចោរបំពុលឆ្កែយកក្របីអ្នកស្រុកទាំងនោះ ដើម្បីចាប់ខ្លួនមកផ្ដន្ទាទោសតាមច្បាប់ ៕
ចែករំលែកព័តមាននេះ