រាជធានីភ្នំពេញ ៖ ប្រធានគណបក្សសង្គ្រោះជាតិ លោក សម រង្ស៊ី បានមានប្រសាសន៍ថា អតីតប្រធានសហជីពសេរីកម្មករនៃព្រះរាជាណាចក្រកម្ពុជា លោក ជា វិជ្ជា គឺជាវីរជនរបស់កម្មករ និងជាអ្នកនំាសេរីភាពជូនកម្មករមកដល់ពេលនេះ ។
រាជធានីភ្នំពេញ ៖ ប្រធានគណបក្សសង្គ្រោះជាតិ លោក សម រង្ស៊ី បានមានប្រសាសន៍ថា អតីតប្រធានសហជីពសេរីកម្មករនៃព្រះរាជាណាចក្រកម្ពុជា លោក ជា វិជ្ជា គឺជាវីរជនរបស់កម្មករ និងជាអ្នកនំាសេរីភាពជូនកម្មករមកដល់ពេលនេះ ។
ដោយចាត់ទុកលោក ជា វិជ្ជា ជាមិត្តភក្តិនិងធ្លាប់ធ្វើការជាមួយគ្នារយៈពេល៩ឆ្នាំ មេបក្សប្រឆាំងរូបនេះ ក៍បានទាមទារឲ្យរកយុត្តិធ៌មជូនលោក ជា វិជ្ជា ដែលត្រូវបានជនមិនស្គាល់អត្តសញ្ញាណបាញ់ស្លាប់ ខណៈលោកកំពុងអង្គុយអានកាសែតនៅតូបលក់កាសែតខាងក្រោយវត្តលង្ការកាលពីព្រឹកថ្ងៃទី២២ មករា ២០០៤ ។
លោក សម រង្ស៊ី ថ្លែងខាងលើបែបនេះ បានធ្វើឡើងក្នុងឱកាសដែលលោក និង លោក កឹម សុខា បានដឹកនំាមន្រ្តីជាន់ខ្ពស់គណបក្សសង្គ្រោះជាតិចូលរួមគោរពវិញ្ញាណក្ខន្ឋលោក ជា វិជ្ជា នៅរូបសំណាកលោក ជា វិជ្ជា ស្ថិតនៅចំណុចច្រមុះជ្រូកខាងលិចវិមានឯករាជ្យ នាព្រឹកថ្ងៃទី២២ មករា ២០១៥ ។
ដោយឡែកបើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា បន្ទាប់ពីបញ្ចប់ការគោរពវិញ្ញាណក្ខន្ឋលោក ជា វិជ្ជានោះរួចមក លោក សម រង្ស៊ីនិងលោក កឹម សុខា ក៍បានបន្តដឹកនំាមន្រ្តីជាន់ខ្ពស់របស់ខ្លួនទៅសួរសុខទុក្ខប្រជាពលរដ្ឋដែលជាសកម្មជនដីធ្លីនិងសកម្មជនគណបក្សសង្គ្រោះជាតិដែលកំពុងជាប់ពន្ឋនាគារព្រៃ.ស ៕
ចែករំលែកព័តមាននេះ