ខណ្ឌចំការមនចាប់គ្រឿងញៀ.នបានកន្លះគីឡូក្រាមដកហូតបានប្រាក់១០០០ដុល្លារ
រាជធានីភ្នំពេញ ៖ សមត្ថកិច្ចល្បាតក្នុងមូលដ្ឋានប្រទះឃើញម៉ូតូអត់ស្លាកលេខ២គ្រឿង ឃាត់សាកសួរ និងឆែកឆេររកឃើញសារធាតុញៀនកន្លះគីឡូក្រាម និងប្រាក់១០០០ដុល្លារ
រាជធានីភ្នំពេញ ៖ សមត្ថកិច្ចល្បាតក្នុងមូលដ្ឋានប្រទះឃើញម៉ូតូអត់ស្លាកលេខ២គ្រឿង ឃាត់សាកសួរ និងឆែកឆេររកឃើញសារធាតុញៀនកន្លះគីឡូក្រាម និងប្រាក់១០០០ដុល្លារ នៅមុខវត្តមហាមន្ត្រី តាមមហាវិថីព្រះសីហនុ សង្កាត់អូឡាំពិក ខណ្ឌចំការមន កាលពីវេលាម៉ោង២ និង១៥នាទី រំលងអធ្រាត្រឈានចូលថ្ងៃទី២២ ខែមករា ។
ប្រភពព័ត៌មានបានឲ្យដឹងថា ជនសង្ស័យមានគ្នា៤នាក់ ជិះម៉ូតូ៣គ្រឿង ម៉ាកវីវ៉ា ពណ៌ប្រផេះ អត់ស្លាកលេខ ម៉ូតូស៊ុយស៊ូគីនិច ពណ៌ស ពាក់ស្លាកលេខ ភ្នំពេញ 1C 3419 និងម៉ាក PCX ពណ៌ស អត់ស្លាកលេខ ក្នុងចំណោមម៉ូតូ៣គ្រឿង មានម៉ូតូ២គ្រឿងអត់ស្លាកលេខ ធ្វើឲ្យសមត្ថកិច្ចល្បាតក្នុងមូលដ្ឋានប្រទះឃើញគួរឲ្យសង្ស័យ បានធ្វើការឃាត់សាកសួរ និងឆែកឆេរ ស្រាប់តែជនសង្ស័យ ដែលជិះម៉ូតូស៊ុយស៊ូគីនិច មានគ្នា២នាក់បានព្យាយាម រត់គេចត្រូវបានសមត្ថកិច្ចដេញតាម ជនសង្ស័យបានយកថ្នាំញៀនបាចតាមរបងវត្ត ទើបសមត្ថកិច្ចដេញតាមឃាត់ខ្លួន ដកហូតបានសារធាតុញៀន ចំនួនកន្លះគីឡូក្រាម និងប្រាក់១០០០ដុល្លារ ក្នុងនោះឃាត់ខ្លួនជនសង្ស័យបានទាំងអស់៤នាក់ និងដកហូតបានម៉ូតូ៣គ្រឿង យកទៅសាកសួរ នៅអធិការដ្ឋានខណ្ឌចំការមន ។
សូមបញ្ជាក់ថា ពេលទៅដល់អធិការដ្ឋានខណ្ឌភ្លាម សមត្ថកិច្ចបិទទ្វាររបងមិនឲ្យអ្នកយកព័ត៌មានចូលទៅយកព័ត៌មានទេ ដោយនិយាយថា «ប្រញាប់ថតយកទៅណា» ទុកចាំស្អែកសាកសួរ និងដោះលែងជនដែលមិនពាក់ព័ន្ធហើយសិន ទើបឲ្យថតតាមក្រោយទៀត ៕
ចែករំលែកព័តមាននេះ