មូលហេតុនៃជំងឺភ្នែកឡើងបាយ និងរោគសញ្ញាជម្រើសចុងក្រោយគឺវះកាត់
ជាធម្មតាកែវភ្នែកមនុស្សមានលក្ខណៈស្រស់ថ្លា ចាប់យករូបភាពនានាដែលឆ្លងកាត់សរសៃបាតភ្នែក(រ៉េទីន) យ៉ាងច្បាស់ក្រឡែត តែបើភ្នែកឡើងបាយហើយធ្វើឱ្យស្រអាប់កែវភ្នែកមើល
ជាធម្មតាកែវភ្នែកមនុស្សមានលក្ខណៈស្រស់ថ្លា ចាប់យករូបភាពនានាដែលឆ្លងកាត់សរសៃបាតភ្នែក(រ៉េទីន) យ៉ាងច្បាស់ក្រឡែត តែបើភ្នែកឡើងបាយហើយធ្វើឱ្យស្រអាប់កែវភ្នែកមើល
ជាធម្មតាកែវភ្នែកមនុស្សមានលក្ខណៈស្រស់ថ្លា ចាប់យករូបភាពនានាដែលឆ្លងកាត់សរសៃបាតភ្នែក(រ៉េទីន) យ៉ាងច្បាស់ក្រឡែត តែបើភ្នែកឡើងបាយហើយធ្វើឱ្យស្រអាប់កែវភ្នែកមើលរូបភាពឃើញមិនច្បាស់គឺមើលឃើញព្រាលៗ ។
តាមឯកសាររបស់កម្មវិធីជាតិសុខភាពភ្នែក នៃមន្ទីរពទ្យមិត្តភាពខ្មែរ-សូវៀតបានឲ្យដឹងថា ជំងឺភ្នែកឡើងបាយអាចបណ្តាលមកពីមូលហេតុជាច្រើនដូចជា ៖
១-ជំងឺភ្នែកឡើងបាយមនុស្សចាស់ ចាប់ពីអាយុ៤៥ឆ្នាំឡើងទៅអាចកើតមានជំងឺភ្នែកឡើងបាយ បណ្ដាលមកពីភាពស្រអាប់នៃកែវភ្នែក ។
២-ជំងឺភ្នែកឡើងបាយពីកំណើតមាន ៖
-តំណពូជ
-ម្តាយមានជំងឺស្អូច(Rubella) ក្នុងកំឡុងពេលមានគភ៌
-ការប្រើប្រាស់ថ្នាំមានសារជាតិស្តេរ៉ូអីុត រយៈពេលយូរក្នុងអំឡុងពេលមានផ្ទៃពោះ
-ការប៉ះទង្គិច ឬរបួសភ្នែកកំឡុងពេលឬក្រោយពេលសម្រាលកូន
-ការប្រើប្រាស់ថ្នាំមានសារជាតិស្តេរ៉ូអីុត ដោយពុំមានការត្រួតពិនិត្យពីគ្រូពេទ្យ ។
៣-ជំងឺភ្នែកឡើងបាយដែលបណ្តាលមកពីការប៉ះទង្គិច ឬរបួសគ្រាប់ភ្នែក ឬក៏រលាកដោយសារគីមីអាចបណ្តាលឲ្យកើតមានជំងឺភ្នែកឡើងបាយ ។
៤-ភ្នែកឡើងបាយបណ្តាលពីជំងឺមួយចំនួនដូចជា ទឹកដក់ក្នុងភ្នែក ជំងឺរលាកប្រស្រីភ្នែក និងជំងឺទឹកនោមផ្អែមជាដើម កត្តាទាំងនេះអាចបណ្តាលឲ្យកើតមានជំងឺភ្នែកឡើងបាយយ៉ាងឆាប់រហ័ស។
៥.ជំងឺភ្នែកឡើងបាយបណ្តាលមកពីការប្រើប្រាស់ថ្នាំ ការប្រើប្រាស់ថ្នាំបន្តក់ ឬថ្នាំលេបប្រភេទស្តេរ៉ូអុីតយូរក៏អាចបណ្តាលឲ្យកើតជំងឺភ្នែកឡើងបាយ ។
ជំងឺភ្នែកឡើងបាយអាចមានរោគសញ្ញាមួយចំនួនដែលលោកអ្នកគួរចាប់អារម្មណ៍ដូចជា៖
-ចាញ់ពន្លឺ
-មើលរូបភាពនានាស្រវាំង បែកផ្សែង
-ភ្នែកស្រវាំងនៅពេលថ្ងៃ ហើយស្រឡះនៅពេលល្ងាច
-គំហើញថយចុះបន្តិចម្តងៗរហូតដល់មើលឃើញតែពន្លឺ(ដាសឬព្រាលទាំងអស់)
-ប្រស្រីភ្នែកឡើងស តែពុំមានការឈឺចាប់។
ចំពោះការវះកាត់ ឬការបកយកបាយភ្នែក(កែវភ្នែកដែលស្រអាប់)ចេញគឺជាជម្រើសតែមួយគត់សម្រាប់ព្យាបាលជំងឺភ្នែកឡើងបាយ និងអាចធ្វើឲ្យភ្នែកអ្នកភ្លឺឡើងវិញ ។
ការវះកាត់ភ្នែកឡើងបាយអាចធ្វើឡើងយ៉ាងសាមញ្ញ បន្ទាប់ពីបានពិនិត្យដោយឧបករណ៍ចក្ខុសាស្ត្រនានានៅតាមមន្ទីរពេទ្យភ្នែក ដោយគ្រូពេទ្យឯកទេស ។ ក្រោយពីវះកាត់បកបាយភ្នែកចេញហើយ គេដាក់បញ្ចូលកែវភ្នែកសិប្បនិម្មិតជំនួសកែវភ្នែកធម្មជាតិ ដើម្បីឲ្យអ្នកជំងឺអាចមើលឃើញឡើងវិញ ។ ការវះកាត់ពុំមានការឈឺចាប់ទេ និងចំណាយពេលតែ១៥ទៅ២០នាទីប៉ុណ្ណោះ ។
*ប្រការគួរចងចាំសម្រាប់អ្នកជំងឺភ្នែកឡើងបាយ
-ការវះកាត់ឬ បកយកបាយភ្នែកចេញជាជម្រើសតែមួយគត់ក្នុងការព្យាបាលភ្នែកឡើងបាយ ។
-ការវះកាត់ភ្នែកឡើងបាយទាន់ពេលវេលាអាចជួយស្តារគំហើញរបស់អ្នកជំងឺឲ្យបានប្រសើរឡើងវិញ ។
-ពុំមានឱសថ ឬថ្នាំបន្តក់ណាដែលអាចជួយព្យាបាលជំងឺភ្នែកឡើងបាយបាននោះទេគ្រាន់តែជាជំនួយការលំបាកមួយគ្រា ។
-ចំពោះកុមារដែលមានជំងឺភ្នែកឡើងបាយអាណាព្យាបាលត្រូវប្រញាប់បញ្ជូនគេមកព្យាបាលនៅមន្ទីរពេទ្យភ្នែកឱ្យទាន់ពេលវេលា ។
-ការប្រើប្រាស់ថ្នាំ ឬវ៉ែនតាពុំអាចជួយព្យាបាលជំងឺភ្នែកឡើងបាយបានទេ គ្រាន់តែជាឧបករណ៍ជួយសម្រាលមួយគ្រាៗប៉ុណ្ណោះ ។
-អ្នកជំងឺគប្បីអនុវត្តតាមការណែនាំរបស់គ្រូពេទ្យបន្ទាប់ពីការវះកាត់ ដើម្បីចៀសវៀងនូវផលវិបាកផ្សេងៗដែលអាចកើតមានជាយថាហេតុ ៕
ចែករំលែកព័តមាននេះ