រាជធានីភ្នំពេញ ៖ សេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា អាជ្ញាធរខណ្ឌទួលគោកបានចាប់ផ្តើមប្រើធម៌ក្តៅបណ្តើរៗហើយទៅលើអាជីវករ និងម្ចាស់ផ្ទះ រួមទាំងម្ចាស់ស្តង់នៅតាមបណ្តោយផ្លូវ៣៣៦ខាងជើងផ្សារដើមគរក្នុងសង្កាត់ផ្សារដើមគរ ខណ្ឌទួលគោក។
នៅពេលមុននេះបន្តិច កម្លាំងប្រជាការពារសណ្តាប់ធ្នាប់ខណ្ឌប្រមាណជា៣០នាក់បានចុះទៅចាប់ឆត្រ របស់អាជីវករម្ចាស់ស្តង់ ម្ចាស់ផ្ទះដែលមានលំនៅតាមផ្លូវលេខ៣៣៦បានមួយចំនួន។
សេចក្តីរាយការណ៍បានឱ្យដឹងទៀតថា កន្លងមកអាជ្ញាធរបានជំរាបជូនដំណឹងដល់អាជីវករ និងប្រធានផ្សារកុំឱ្យយកទ្រូងផ្លូវធ្វើអាជីវកម្ម ប៉ុន្តែទាំងប្រធានផ្សារ និងម្ចាស់ស្តង់គាត់មិនខ្វល់ពីការកកស្ទះចរាចរណ៍ទេ គាត់នៅតែបន្តលក់ដដែល។
គួរបញ្ជាក់ផងដែរថា អភិបាលរងខណ្ឌទួលគោកបានចុះព្រមានដល់ប្រធានផ្សារជាច្រើនដងហើយ តែគាត់មិនធ្វើតាម៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ