វាយប្រហារកាសែត CHARLIE HEBDO តាមរកចាប់ខ្លួនជនសង្ស័យ2នាក់ទៀត
ក្នុងការវាយប្រហារកាសែត CHARLIE HEBDO ជាកាសែតរូបត្លុកនិយមជេរ ជាការវាយប្រហារយ៉ាងបង្ហូរឈាមពុំធ្លាប់មាននៅបារាំង
ក្នុងការវាយប្រហារកាសែត CHARLIE HEBDO ជាកាសែតរូបត្លុកនិយមជេរ ជាការវាយប្រហារយ៉ាងបង្ហូរឈាមពុំធ្លាប់មាននៅបារាំង ចាប់តាំងពីជាង៥០ឆ្នាំមកហើយ បងប្អូន២នាក់ត្រូវបូ៉លិសតាមរកយ៉ាងសកម្មបំផុត ។ពួកអ្នកលេងអីុនធើរណេតដែលអះអាងថា ក្នុងចំណោមជនសង្ស័យ៣នាក់ ម្នាក់ជាមិត្តរួមថ្នាក់របស់ពួកគេអះអាងតាម TWITTER ថា ជននេះឈ្មោះ MOURAD HAMYD ជាអ្នករៀនជាមួយពួកគេក្នុងវិទ្យាល័យមួយដោយប្រើពាក្យគន្លឹះថា MOURAD HARMYDINNOCENT ។
ប៉ូលិសបានចេញផ្សាយនាយប់ថ្ងៃទី៧ មក៨ មករា នូវរូបថតរបស់បងប្អូន២នាក់ដែលតាមរកក្នុងការសើុបអង្កេត ។ ជនទាំង២នាក់នោះ គឺ CHERIF អាយុ៣២ឆ្នាំ និង SAID KOUACHI អាយុ៣៤ឆ្នាំ ដែលអាចមានអាវុធ ហើយជាមនុស្សគ្រោះថ្នាក់បំផុត ។ ប៉ូលិសក្រុងប៉ារីសបញ្ជាក់ថា អ្នកទាំងពីរនេះជាកម្មវត្ថុនៃដីកាតាមចាប់ខ្លួន ។ មនុស្សទាំងឡាយណាដែលទទួលបានព័ត៌មានពីជនសង្ស័យទាំង២ ស្នើរាយការណ៍មកលេខទូរស័ព្ទ ០៨០៥០២១៧១៧ ។ ជនឈ្មោះ MOURAL HAMYD មានវ័យក្មេងជាងគេក្នុងចំណោមមនុស្សសង្ស័យ៣នាក់ កាលពីយប់ថ្ងៃទី៧ មករា បានបង្ហាញខ្លួនឯស្នងការដ្ឋានប៉ូលិសក្រុង CHARLEVILLE-MEZIERE ។ រូបគេត្រូវឃុំខ្លួន ។ តួនាទីជាយថាហេតុរបស់យុវជនអាយុ១៨ឆ្នាំរូបនេះដែលប្រាប់ថា គេគ្មានផ្ទះសម្បែងពិតប្រាកដនៅពុំទាន់ដឹងច្បាស់នៅឡើយ ។
អត្តសញ្ញាណប័ណ្ណមួយជ្រុះនៅកន្លែងវាយប្រហារអាចឱ្យកងកម្លាំងប៉ូលិសមានតម្រុយលើជនសង្ស័យ៣នាក់នេះ ។ អត្តសញ្ញាណប័ណ្ណនេះត្រូវបានផ្សាយភ្លាមៗតាមបណ្តាញសង្គម។ ប្រតិបត្តិការទ្រង់ទ្រាយធំរបស់បូ៉លិសដើម្បីចាប់ខ្លួនពួកជនសង្ស័យកំពុងធ្វើនៅ REIMS STRASBOURG PANTIN និងកន្លែងឯទៀតៗ ៕
ចែករំលែកព័តមាននេះ