រាជធានីភ្នំពេញ ៖ គូរស្នេហ៍វ័យក្មេង១គូបានជិះម៉ូតូមួយគ្រឿងដឹកគ្នាចេញពីធ្វើការនៅខារ៉ាអូខេ១កន្លែង ត្រឡប់ទៅផ្ទះវិញតែពេលធ្វើដំណើរតាមផ្លូវក៏ត្រូវបានចោរប្លន់១ក្រុមមានគ្នា៤នាក់ជិះម៉ូតូ២គ្រឿងដែលល្បីឈ្មោះខាងស្ទាក់កាប់នឹងបាញ់ប្លន់យកម៉ូតូកក្រើករាជធានីភ្នំពេញនោះ បានធ្វើសកម្មភាពស្ទាក់កាប់នឹងភ្ជង់ប្លន់យកម៉ូតូ១គ្រឿងពីគូរស្នេហ៍នោះ តែដោយសារបុរសជាសង្សារមិនខ្លាចបានព្យាយាមដកយកកូនសោចេញពីម៉ូតូហើយរត់គេចពីរពួកក្រុមចោរទាំងនោះ ធ្វើឱ្យក្រុមចោរទាំងនោះខឹងក៏បានយកស្នាប់កាំភ្លើងខ្លី១ដើមវាយក្បាលបុរសជាសង្សារនោះបណ្តាលឱ្យបែកក្បាលហូរឈាមកក្លាក់ស្រោចពេញខ្លួនដើម្បីព្យាយាមដណ្តើមយកកូនសោពីជនរងគ្រោះ តែដណ្តើមយកកូនសោពីជនរងគ្រោះមិនបានហើយឃើញប្រជាពលរដ្ឋរត់ទៅចោមរោមមើលច្រើនផងនោះធ្វើឱ្យក្រុមចោរទាំងនោះភ័យស្លន់ស្លោររត់ឡើងជិះលើម៉ូតូរបស់ពួកគេគេចខ្លួនបាត់អស់ទៅ នៅសល់តែម៉ូតូរបស់ជនរងគ្រោះដែលក្រុមចោរទាំងនោះប្លន់យកមិនបានសម្រេច នឹងគូស្នេហ៍វ័យក្មេងទាំង២នាក់ដែលខាងប្រុសត្រូវក្រុមចោរវាយនឹងស្នាប់កាំភ្លើងបែកក្បាលហូរឈាមកក្លាក់ស្រោចពេញខ្លួនហើយត្រូវបានរថយន្តសាមុយដឹកយកទៅសង្រ្គោះបន្ទាន់នៅគ្លីនិកឯកជនមួយ។ចំណែកម៉ូតូត្រូវបានប៉ូលិសយកទៅរក្សាទុកនៅអធិការដ្ឋាននគរបាលខណ្ឌទួលគោក ។
ហេតុការណ៍នេះកើតឡើងកាលពីវេលាម៉ោង២នឹង៣០នាទីរំលងអាធ្រាត្រ ឈានចូលថ្ងៃទី៣១ ខែធ្នូ ២០១៤ តាមបណ្តោយផ្លូវម៉ៅសេតុង ខាងត្បួងស្តុបទេពផនប្រមាណ១០០ម៉ែត្រ ស្ថិតក្នុងសង្កាត់ផ្សារដេប៉ូ២ ខណ្ឌទួលគោក ។ គូរស្នេហ៍វ័យក្មេងរងគ្រោះទាំង២នាក់ ខាងប្រុសឈ្មោះប៉ាន វិចិត្រ អាយុ២៤ឆ្នាំ ជាមន្រ្តីយោធានៅអគ្គបញ្ជារការផងនឹងជាបុគ្គលិកបំរើការងារនៅក្នុងខារ៉ាអូខេហ្ស៊ូម ចំណែកខាងស្រីឈ្មោះ ស៊ន ស្រីតូច អាយុ២១ឆ្នាំ បំរើការងារនៅក្នុងខារ៉ាអូខេរួមគ្នា ស្នាក់នៅក្នុងផ្ទះជួលរួមគ្នានៅម្តុំពេទ្យព្រះកុសមះ ស្ថិតក្នុងសង្កាត់ទឹកថ្លា ខណ្ឌសែនសុខ ។ ចំណែកម៉ូតូដែលក្រុមចោរប្លន់យកទៅមិនបានសម្រេចនោះម៉ាកឌ្រីមសេ១២៥ ពណ៌ខ្មៅ ពាក់ស្លាកលេខ ខ.ម02 1-5252 ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ