ខេត្តរតនគិរី ៖ ម៉ូតូដឹកឈើ និងម៉ូតូអ្នកដំណើរបានបើកបុកគ្នាយ៉ាងពេញទំហឹង បណ្តាលឱ្យមនុស្សម្នាក់ស្លា.ប់យ៉ាងអាណោច
អាធ័ម កាលពីវេលាម៉ោង០១ និង១៥នាទីថ្ងៃរសៀលថ្ងៃទី២៧
ខេត្តរតនគិរី ៖ ម៉ូតូដឹកឈើ និងម៉ូតូអ្នកដំណើរបានបើកបុកគ្នាយ៉ាងពេញទំហឹង បណ្តាលឱ្យមនុស្សម្នាក់ស្លាប់យ៉ាងអាណោច
អាធ័ម កាលពីវេលាម៉ោង០១ និង១៥នាទីថ្ងៃរសៀលថ្ងៃទី២៧ ធ្នូ ២០១៤ ស្ថិតត្រង់ចំណុចផ្លូវចុះចំណោត ក្នុងភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី ។
ប្រភពបានឱ្យដឹងថា ជនរងគ្រោះដែលស្លាប់ឈ្មោះឈៀង ឈា អាយុ២៨ឆ្នាំ ជាកម្មករលើកដំឡូង (ជនជាតិខ្មែរ) មានទីលំនៅក្នុងភូមិថារ៉ងជង ឃុំអូរជុំ ស្រុកអូរជុំ និងមានស្រុកំណើតនៅស្រុកស្រីសន្ធរ ខេត្តកំពង់ចាម។
ប្រភពបន្តថា មុនពេលកើតហេតុ គេឃើញម៉ូតូមួយគ្រឿងដឹកឈើជាច្រើនដុំ ជិះពីកើតមកលិចចូលក្រុងបានលុង ស្របពេលដែលម៉ូតូអ្នកដំណើរជិះម្នាក់ឯងមានទិសដៅពីលិច ទៅកើត ក៏ទៅប៉ះនិងម៉ូតូដឹកឈើដែលកំពុងបើកល្បឿនលឿន ក៏ដួលបោកក្បាលនិងថ្នល់ បណ្តាលឱ្យរបួសធ្ងន់ធ្ងរ ។ ភ្លាមៗនោះដែរ សមត្ថកិច្ចមូលដ្ឋានបានទាក់ទងហៅរថយន្តរបស់មន្ទីរពេទ្យបង្អែកខេត្តរតនគិរី ដឹកយកទៅសង្គ្រោះបន្ទាន់ ។ ចំណែកឯអ្នកជិះម៉ូតូដឹកឈើ ក្រោយពីបុកគ្នាហើយដឹងថា ជនរងគ្រោះមានសភាពធ្ងន់ធ្ងរ ក៏រត់គេចខ្លួនបាត់តែ
ម្តង ។
បើតាមគ្រូពេទ្យឱ្យដឹងថា ជនរងគ្រោះខាងលើដួលបោកត្រូវក្បាលនិងថ្នល់ជាតិធ្ងន់ធ្ងរពេក ប្រហែលជាស្លាប់តាំងពីកន្លែងកើតហេតុមកម្ល៉េះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ