រាជធានីភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ ដោយមានការសហការជាមួយអាវុធខណ្ឌសែនសុខ កាលពីវេលាព្រឹកថ្ងៃទី២៧ ធ្នូ ២០១៤ នេះ បានធ្វើការចាប់ខ្លួនតាយាយប្តីប្រពន្ធ២នាក់
រាជធានីភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ ដោយមានការសហការជាមួយអាវុធខណ្ឌសែនសុខ កាលពីវេលាព្រឹកថ្ងៃទី២៧ ធ្នូ ២០១៤ នេះ បានធ្វើការចាប់ខ្លួនតាយាយប្តីប្រពន្ធ២នាក់តាមដីកាបង្គាប់ឱ្យចាប់ខ្លួន និងឃុំខ្លួនរបស់លោកចៅក្រមសាលាដំបូងរាជធានីភ្នំពេញ ពាក់ព័ន្ធលួចលក់អចលនវត្ថុរបស់អ្នកដទៃ ។
ប្រភពបានឱ្យដឹងថា លោកតាឈ្មោះព្រំ អាង អាយុ៦០ឆ្នាំ និងយាយឈ្មោះឆាយ សារឹម អាយុ៥០ឆ្នាំ ស្នាក់នៅផ្ទះលេខ១៨ ផ្លូវលេខ១៦ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ក្រោយពីសមត្ថកិច្ចចាប់ខ្លួនតាយាយទាំង២នាក់ ត្រូវលោកចៅក្រមបញ្ជាឱ្យនាំទៅឃុំនៅពន្ធនាគារព្រៃ.សជាបណ្តោះអាសន្ន ។ គួរបញ្ជាក់ថា លោកម៉ុង មុនីសោភា ចៅក្រមជំនុំជម្រះសាលាដំបូងរាជធានីភ្នំពេញ កាលពីថ្ងៃទី២២ ធ្នូ ២០១៤ បានចេញដីកាទៅសមត្ថកិច្ចបង្គាប់ឱ្យចាប់ខ្លួន និងឃុំខ្លួនតា-យាយដូចមានឈ្មោះខាងលើនេះ ដាក់ពន្ធនាគារជាបណ្តោះអាសន្ន ។
តាមដីកាបង្គាប់ឱ្យចាប់ខ្លួន និងឃុំខ្លួននោះ គឺជាការអនុវត្តន៍តាមអំណាចសាលក្រមព្រហ្មទណ្ឌ ដែលបានសម្រេចដូចខាងក្រោមនេះ ១-ផ្តន្ទាទោសលើជនជាប់ចោទ១-ឈ្មោះព្រំ អាង ភេទប្រុស អាយុ៦០ឆ្នាំ និង២-ឈ្មោះឆាយ សារឹម ភេទស្រី អាយុ៥០ឆ្នាំ ដាក់ពន្ធនាគារកំណត់រយៈពេលម្នាក់២ឆ្នាំ ពីបទលួចលក់អចលនៈវត្ថុអ្នកដទៃ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ