ខេត្តស្វាយរៀង៖ កាស៊ីណូចំនួន៤ នៅច្រកទ្វារព្រំដែនអន្តរជាតិព្រៃវល្លិ៍ បានបង្ហូរទឹកស្អុយចេញពីខាងក្នុងកាស៊ីណូ ចូលក្នុងប្រឡាយហូរចូលក្នុងព្រែកជាប់ព្រំដែន បណ្តាលឱ្យប៉ះពាល់ដល់បរិស្ថាន និងទឹកយ៉ាងខ្លាំង មិនតែប៉ុណ្ណោះបានយកកាកសំណល់សំរាមក្នុងកាស៊ីណូ ទៅដាក់គរចោលនៅចំណុចមាត់ព្រែកអូរដាវ ក្នុងភូមិអូរដាវ ឃុំថ្មី ស្រុកកំពង់រោទិ៍ ធ្វើឱ្យរលួយស្អុយ និងជះក្លិនស្អុយយ៉ាងខ្លាំងមកដល់ថ្នល់លេខ៣១៤ ។
នៅដើមខែមករា ២០១៥នេះ រាជរដ្ឋាភិបាលបានផ្តល់គម្រោងសាងសង់ផ្លូវ៣១៤នេះ ជាផ្លូវជាតិក្រាលកៅស៊ូចេញផ្លូវជាតិលេខ១ ត្រង់ចំណុចផ្សារប្រសូត្រ ឃុំកណ្តៀងរាយ ទៅច្រកទ្វាព្រំដែនអន្តរជាតិព្រៃវល្លិ៍ប្រវែង២៧គីឡូម៉ែត្រ ដើម្បីឱ្យអ្នកដំណើរភ្ញៀវជាតិ-អន្តរជាតិធ្វើដំណើរឆ្លងកាត់មកពីប្រទេសវៀតណាម ចូលមកព្រះរាជាណាចក្រកម្ពុជា ដើរទេសចរណ៍កម្សាន្តរមណីដ្ឋានក្នុងព្រះរាជាណាចក្រកម្ពុជា ។
ទាក់ទិនករណីខាងលើនេះដែរ លោកពេជ សាវ៉ាន់ អភិបាលស្រុកកំពង់រោទ៌បានមានប្រសាសន៍ថា លោកបានសួរទៅម្ចាស់កាស៊ីណូទាំង៤ខាងលើនេះហើយ ក៏ប៉ុន្តែមិនទាន់អាចដោះស្រាយបាន គឺរង់ចាំក្រុមហ៊ុនកសាងផ្លូវជាតិលេខ៣១៤ ចាប់ផ្តើមកធ្វើផ្លូវ និងសុំឱ្យក្រុមហ៊ុនជួយធ្វើអាងចម្រុះទឹកស្អុយ រួចបង្ហូរទឹកស្អាតចូលព្រែក រីឯកាកសំណល់សំរាមកំពុងរកទីតាំងថ្មី ដោយសុំរង់ចាំខែប្រាំង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ