រាជធានីភ្នំពេញ ៖ យុវជនម្នាក់ត្រូវយុវជនម្នាក់ទៀតចាក់ពីរកូនកន្រ្តៃចំខ្នងបណ្តាលឱ្យរងរបួស បន្ទាប់យុវជនរូបនេះបបួលមិត្តភក្តិជាង១០នាក់មករកវាយយុវជនបង្ករបួសស្នាមដល់ក្នុងបន្ទប់ស្នាក់នៅក្រោយពីមានជម្លោះគ្នាក្នុងពេលផឹកស៊ីនាពេលកន្លងមក ។ ហេតុការណ៍នេះកើតឡើងកាលពីវេលាម៉ោង៧ យប់ ថ្ងៃទី២៥ ធ្នូ
រាជធានីភ្នំពេញ ៖ យុវជនម្នាក់ត្រូវយុវជនម្នាក់ទៀតចាក់ពីរកូនកន្រ្តៃចំខ្នងបណ្តាលឱ្យរងរបួស បន្ទាប់យុវជនរូបនេះបបួលមិត្តភក្តិជាង១០នាក់មកវាយយុវជនបង្ករបួសស្នាមដល់ក្នុងបន្ទប់ស្នាក់នៅក្រោយពីមានជម្លោះគ្នាក្នុងពេលផឹកស៊ីនាពេលកន្លងមក ។ ហេតុការណ៍នេះកើតឡើងកាលពីវេលាម៉ោង៧ យប់ ថ្ងៃទី២៥ ធ្នូ ២០១៤ នៅចំណុចផ្ទះជួលយុវជនបង្ករបួសស្នាម ស្ថិតក្នុងភូមិព្រៃកំបុត សង្កាត់ចោមចៅ ខណ្ឌពោធិ៍សែនជ័យ ។
យុវជនបង្ករបួសស្នាមឈ្មោះ ស្រី សាន អាយុ១៨ឆ្នាំ ស្នាក់នៅក្នុងភូមិ- សង្កាត់កើតហេតុ ។ ចំណែកយុវជនរងគ្រោះមានឈ្មោះ ឡូត ភារៈ អាយុ២២ឆ្នាំ ស្នាក់នៅក្នុងភូមិព្រៃកី សង្កាត់ពងទឹក ខណ្ឌដង្កោ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុមួយថ្ងៃយុវជនបង្ក និងយុវជនរងរបួសបានផឹកស៊ីជុំគ្នា ហើយបន្ទាប់ពីផឹកស៊ីរួចយុវជនទាំងពីរបានឈ្លោះប្រកែកគ្នា រឿងម្នាក់ចេញលុយច្រើន ម្នាក់ចេញលុយតិច ដោយភាគីយុវជនបង្កចេញលុយច្រើន ហើយភាគីយុវជនរងគ្រោះចេញលុយតិចជាង ។ ពេលកំពុងឈ្លោះប្រកែកគ្នានោះស្រាប់តែយុវជនរងរបួសបានហក់ទៅវាយកណ្តាលមុខយុវជនបង្កពីរទៅបីដៃ ។ រំលងបានមួយថ្ងៃយុវជនរងរបូសមិនអស់ចិត្ត ក៏បានដើររកយុវជនបង្កដល់បន្ទប់ជួល ហើយពេលដែលដឹងថាយុវជនបង្កនៅក្នុងបន្ទប់ជួលម្នាក់ឯង យុវជនរងរបួសក៏បានដើរត្រឡប់មកផ្ទះវិញបបួលមិត្តភក្តិជាង១០នាក់លើកគ្នាទៅវាយយុវជនបង្កតែម្នាក់ឯង ។
ពេលទៅដល់បន្ទប់ជួលយុវជនបង្ក គឺយុវជនរងរបួសបានបើកទ្វារដើរចូលទៅវាយយុវជនបង្ក ហើយដោយឃើញបក្ខពួកយុវជនរងរបួសចូលមកតាមក្រោយជាបន្តបន្ទាប់ ដូចនេះយុវជនបង្កក៏បានទាញកូនកន្រ្តៃដើម្បីការពារខ្លួន ចាក់ចំខ្នងយុវជនរងរបួសពីរកន្រ្តៃបណ្តាលឱ្យរបួសតែម្តង ។
ក្រោយពេលកើតហេតុយុវជនរងរបួសត្រូវបានគេបញ្ជូនទៅសង្រ្គោះនៅមន្ទីរពេទ្យ ចំណែកយុជនបង្ករបួសស្នាមត្រូវបានសមត្ថកិច្ចឃាត់ខ្លួនយកទៅសួរនាំនៅប៉ុស្តិ៍នគរបាលរដ្ឋបាលចោមចៅ ។
ចែករំលែកព័តមាននេះ