ញូវយ៉ក ៖ កាលពីដើមសប្តាហ៍នេះ ក្រុមហ៊ុនផលិតយន្តហោះ Boeing របស់សហរដ្ឋអាមេរិក បានប្រកាសឱ្យដឹងថា ខ្លួននឹងលក់យន្តហោះម៉ូដែល៧៣៧ ទៅឱ្យក្រុមហ៊ុនអាកាសចរណ៍ Air China របស់ចិនក្នុងតម្លៃជាង៦ពាន់លានដុល្លារ ក្នុងកិច្ចព្រមព្រៀងលើមុខជំនួញដ៏ធំនិងថ្មីមួយរបស់ខ្លួនជាមួយនឹង Air China
ញូវយ៉ក ៖ កាលពីដើមសប្តាហ៍នេះ ក្រុមហ៊ុនផលិតយន្តហោះ Boeing របស់សហរដ្ឋអាមេរិក បានប្រកាសឱ្យដឹងថា ខ្លួននឹងលក់យន្តហោះម៉ូដែល៧៣៧ ទៅឱ្យក្រុមហ៊ុនអាកាសចរណ៍ Air China របស់ចិនក្នុងតម្លៃជាង៦ពាន់លានដុល្លារ ក្នុងកិច្ចព្រមព្រៀងលើមុខជំនួញដ៏ធំនិងថ្មីមួយរបស់ខ្លួនជាមួយនឹង Air China បន្ទាប់ពីសេដ្ឋកិច្ចងើបទ្បើងវិញ ។
ក្រុមហ៊ុន Boeing បានបញ្ជាក់បន្ថែមថា នៅក្នុងកិច្ចព្រមព្រៀងខាងលើនឹងរាប់បញ្ចូលយន្តហោះដឹកអ្នកដំណើរស៊េរីថ្មីម៉ូដែល៧៣៧ និង៧៣៧ MAX របស់ Boeing ដែលគេទទួលស្គាល់ថា ស៊ីសាំងតិច ។ ចំណែកអ្នកកុម្មង់ទិញ Air China ឯណោះវិញបានបង្ហើបឱ្យដឹងថា ការចែកចាយក៏ដូចជាការបញ្ចូនមកដល់ក្រុមហ៊ុន ត្រូវបានគេរំពឹងថា ស្ថិតនៅចន្លោះឆ្នាំ២០១៦ និង២០២០ខាងមុខ ។
រីឯលោក Dennis Muilenburg នាយកប្រតិបត្តិរបស់ក្រុមហ៊ុន Boeing បានលើកទ្បើងថា កាលពីដើមខែនេះ កំណើននៃការធ្វើដំណើរតាមផ្លូវអាកាសនៅក្នុងទីផ្សារជាច្រើនកំពុងងើបទ្បើងវិញ ដូចជា ចិន ឥណ្ឌា និងឥណ្ឌាណេស៊ីជាដើម ដែលគេរំពឹងថានឹងកើនទ្បើង ។
សូមបញ្ជាក់ថា គិតមកទល់នឹងថ្ងៃទី១៦ ធ្នូ ឆ្នាំ២០១៤ ក្រុមហ៊ុន Boeing បានទទួលការបញ្ជាទិញសម្រាប់ប្រភេទយន្តហោះដឹកអ្នកដំណើរក្នុងឆ្នាំ២០១៤ ចំនួន១.៣១៧គ្រឿង គឺគិតជាងឆ្នាំ២០១៣ ដែលមានចំនួន១.៣៥៥គ្រឿង ។ ក្នុងនោះមូ៉ដែល៧៣៧ មានការពេញនិយមជាងគេ ដោយសារតែភាពសន្សំសំចៃរបស់វា ម្យ៉ាងទៀត មូ៉ដែល៧៣៧មានច្រើនជាងគេក្នុងការបញ្ជាទិញទាំងអស់ គឺប្រមាណ១.០១៩គ្រឿង ៕
ចែករំលែកព័តមាននេះ