អង្គការសិទ្ធិមនុស្សស៊ីរី OSDH ដែលមានប្រភពព័ត៌មានច្រើនក្នុងប្រទេសអះអាងថា ចាប់តាំងពី៣ខែកន្លងមកនេះ ក្រុមចម្រុះអន្តរជាតិនាំមុខដោយសហរដ្ឋអាមេរិកបានធ្វើការវាយប្រហារតាមអាកាសយ៉ាងច្រើនលើបណ្តាទីតាំងរបស់ពួកជីហាដនៅស៊ីរី ។ សរុបពួកនេះដល់ទៅជាង១.០០០ពាន់នាក់
អង្គការសិទ្ធិមនុស្សស៊ីរី OSDH ដែលមានប្រភពព័ត៌មានច្រើនក្នុងប្រទេសអះអាងថា ចាប់តាំងពី៣ខែកន្លងមកនេះ ក្រុមចម្រុះអន្តរជាតិនាំមុខដោយសហរដ្ឋអាមេរិកបានធ្វើការវាយប្រហារតាមអាកាសយ៉ាងច្រើនលើបណ្តាទីតាំងរបស់ពួកជីហាដនៅស៊ីរី ។ សរុបពួកនេះដល់ទៅជាង១.០០០ពាន់នាក់បានត្រូវស្លាប់ក្នុងការវាយប្រហារទាំងនោះ ។
OSDH បន្តថា តាំងពីចាប់ផ្តើមប្រតិបត្តិការវាយប្រហារតាមអាកាសនៅស៊ីរីពីថ្ងៃទី២៣ កញ្ញាមក សមាជិកក្រុមរដ្ឋអ៊ិស្លាម១.០៤៦នាក់ភាគច្រើនពុំមែនជនជាតិស៊ីរីត្រូវសម្លាប់ ។ យុទ្ធជនក្រុមរណសិរ្សអាល់ណូស្ត្រា៧២នាក់ និងជនស៊ីវិល៥២នាក់ក៏ត្រូវស្លាប់ដែរ ។
ជាប់ចោទពីបទឧក្រិដ្ឋប្រឆាំងមនុស្សជាតិ ក្រុមរដ្ឋអ៊ិស្លាមមានយុទ្ធជនជាច្រើនសិបពាន់នាក់។ ពួកជីហាដជាអ្នកទទួលខុសត្រូវចំពោះអំពើចាប់រំលោភ សម្លាប់មនុស្ស និងប្រព្រឹត្តអំពើសាហាវព្រៃផ្សៃក្នុងតំបន់យ៉ាងធំដែលពួកគេត្រួតត្រានៅស៊ីរី ក៏ដូចជានៅអីុរ៉ាក់ ៕
ចែករំលែកព័តមាននេះ