ខេត្តរតនគិរី ៖ កម្លាំងប៉ូលិសការិយាល័យព្រហ្មទណ្ឌកម្រិតធ្ងន់នៃស្នងការដ្ឋានខេត្តរតនគិរី បានបញ្ជូនខ្លួនជនសង្ស័យពាក់ព័ន្ធករណីឃាតកម្មកា.ប់និងកាំបិតខ្វែវ ទៅសាលាដំបូងខេត្តចាត់ការបន្ត ។
ខេត្តរតនគិរី ៖ កម្លាំងប៉ូលិសការិយាល័យព្រហ្មទណ្ឌកម្រិតធ្ងន់នៃស្នងការដ្ឋានខេត្តរតនគិរី បានបញ្ជូនខ្លួនជនសង្ស័យពាក់ព័ន្ធករណីឃាតកម្មកាប់និងកាំបិតខ្វែវ ទៅសាលាដំបូងខេត្តចាត់ការបន្ត ។
លោកវរសេនីយ៍ឯក ផែន ឌីណា ស្នងការរងទទួលផ្នែកព្រហ្មទណ្ឌកម្រិតធ្ងន់ឱ្យដឹងថា ដោយលោកទទួលបានបទបញ្ជាពីលោកស្នងការ ក៏ដូចជាការយោងទៅតាមដីកាបង្គាប់ឱ្យចាប់ខ្លួនលេខ20/14 ចុះថ្ងៃទី២៥ សីហា ២០១៤ ចេញដោយលោក ឡុច ឡៅ ចៅក្រមស៊ើបសួរនៃសាលាដំបូងខេត្តរតនគិរី ។
ហេតុដូច្នេះហើយ ទើបលោកដាក់កម្លាំងធ្វើការស្រាវជ្រាវជាបន្តបន្ទាប់ ចំពោះករណីខាងលើនេះ រហូតដល់ថ្ងៃទី២២ ធ្នូ ២០១៤ នេះ លោកទទួលបានព័ត៌មានពីកម្លាំងសំងាត់ថា ជនសង្ស័យដែលពាក់ព័ន្ធករណីឃាតកម្មខាងលើ រត់ទៅពួនសំងំលាក់ខ្លួននៅក្នុងទឹកដីខេត្តកោះកុង ។
ដូច្នេះហើយ លោកក៏បានបញ្ជាឱ្យកម្លាំងជំនាញនគរបាលព្រហ្មទណ្ឌខេត្តរតនគិរី ចុះសហការជាមួយកម្លាំងជំនាញកម្រិតធ្ងន់ខេត្តកោះកុង ធ្វើការស្រាវជ្រាវអនុវត្តតាមដីកាបង្គាប់ឱ្យចាប់ខ្លួនឈ្មោះផាត ពឿន (ហៅវ៉ា) ភេទប្រុស អាយុ៣៦ឆ្នាំ ជនជាតិខ្មែរ នៅចំណុចទឹកដីថៃជាប់ព្រំប្រទល់ខេត្តកោះកុងនៅថ្ងៃទី២២ ធ្នូ ២០១៤ នេះ តែម្តង ព្រមទាំងបានធ្វើការនាំខ្លួនជនសង្ស័យជាជនដៃដល់រូបនេះ មកខេត្តរតនគិរីវិញ កាលពីយប់ថ្ងៃទី២៤ រហូតដល់ព្រឹកថ្ងៃទី២៥ កម្លាំងជំនាញក៏បានបញ្ជូនខ្លួនទៅកាន់សាលាដំបូងខេត្ត ដើម្បីចាត់ការជាបន្តទៀត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ