ខេត្តសៀមរាប ៖ នគរបាលអន្តោប្រវេសន៍នៃស្នងការដ្ឋានខេត្តសៀមរាបដែលដឹកនាំដោយលោកវរៈសេនីយ៍ឯក ចៅ ម៉ៅវីរៈ ស្នងការរងទទួលបន្ទុកជនបរទេស បានធ្វើការចុះផ្អាកមង្គលការអត់មានច្បាប់ទម្លាប់រវាងបុរសជនជាតិកូរ៉េ
ខេត្តសៀមរាប ៖ នគរបាលអន្តោប្រវេសន៍នៃស្នងការដ្ឋានខេត្តសៀមរាបដែលដឹកនាំដោយលោកវរៈសេនីយ៍ឯក ចៅ ម៉ៅវីរៈ ស្នងការរងទទួលបន្ទុកជនបរទេស បានធ្វើការចុះផ្អាកមង្គលការអត់មានច្បាប់ទម្លាប់រវាងបុរសជនជាតិកូរ៉េ ជាមួយស្ត្រីខ្មែរមួយកន្លែង បន្ទាប់ពីមានព័ត៌មានជាច្រើនលេចឮថា មានជនបរទេសរៀបការជាមួយស្ត្រីហើយរួចយកទៅប្រទេសរបស់ខ្លួនដើម្បីលក់ដូរជាច្រើនករណី ។ ហេតុការចុះឃាត់មង្គលការជាលើកដំបូងនេះ ដែលមិនធ្លាប់មាននៅក្នុងខេត្តសៀមរាប ធ្វើឡើងនៅថ្ងៃទី១៩ខែធ្នូ ឆ្នាំ២០១៤ ស្ថិតនៅភូមិព្រៃចាស់ សង្កាត់ទឹកវិល ក្រុងសៀមរាប ។
លោកវរៈសេនីយ៍ឯក ចៅ ម៉ៅវីរៈ ស្នងការរងខេត្តបានឲ្យដឹងតាមទូរស័ព្ទនៅព្រឹកថ្ងៃទី២៥ ខែធ្នូ ឆ្នាំ២០១៤នេះថា ជនជាតិកូរ៉េដែលបានមករៀបការជាមួយស្ត្រីខ្មែរនៅក្នុងភូមិចាស់ សង្កាត់ទឹកវិលនេះ មានឈ្មោះស៊ុន អ៊ិនយូ ភេទប្រុស អាយុ៤៥ឆ្នាំ (មកស្នាក់នៅជាភ្ញៀវទេសចរណ៍) រីឯស្ត្រីខ្មែរដែលបានរៀបការជាមួយជនជាតិកូរ៉េនោះ មានឈ្មោះសោម សាវ៉េត អាយុ២៤ឆ្នាំ មុខរបរកសិករ រស់នៅភូមិ សង្កាត់ខាងលើ ។
បច្ចុប្បន្នខេត្តសៀមរាបជាតំបន់ទេសចរណ៍ត្រូវបានជនបរទេសមួយចំនួនឃុបឃិតគ្នា ទៅលួចរៀបការដោយគ្មានច្បាប់ទម្លាប់ និងមួយចំនួនទៀតរៀបការរួចយកកូនក្រមុំទៅប្រទេសរបស់គេ ដោយមានច្បាប់ពីអាជ្ញាធរទើបអាចការទៅបានយ៉ាងរលួច ។
គួរបញ្ជាក់ផងដែរថា ជនបរទេសមួយចំនួនបានលួចការយកកូនក្រមុំ ទៅស្នាក់នៅប្រទេសគេបានរលួន ហើយជនបរទេសមួយចំនួនទៀត រៀបការហើយ បានយកកូនក្រមុំខ្មែរ ទៅជួញដូរនៅប្រទេសគេដោយខុសច្បាប់ ។ ជាក់ស្តែង កន្លងមកថ្មីនេះ រដ្ឋាបាលភិបាលបានសម្រួលជួយសង្គ្រោះស្ត្រីខ្មែរដែលរៀបការទៅនៅប្រទេសគេ ឲ្យត្រឡប់មកប្រទេសរបស់ខ្លួនវិញជាច្រើននាក់ផងដែរ ៕
ចែករំលែកព័តមាននេះ