ខេត្តកំពង់ចាម ៖ បុរសម្នាក់បានស្លា.ប់ភ្លាមៗនៅនឹងកន្លែង ខណៈជិះម៉ូតូមួយគ្រឿងម៉ាកវ៉េវ អត់ស្លាកលេខ ទៅបុកគូទរថយន្តមួយគ្រឿងមិនស្គាល់ម៉ាកពីក្រោយពេញទំហឹងកាលពីវេលាម៉ោង៦ និង១៥នាទីល្ងាច ថ្ងៃទី២៤ ធ្នូ ២០១៤
ខេត្តកំពង់ចាម ៖ បុរសម្នាក់បានស្លាប់ភ្លាមៗនៅនឹងកន្លែង ខណៈជិះម៉ូតូមួយគ្រឿងម៉ាកវ៉េវ អត់ស្លាកលេខ ទៅបុកគូទរថយន្តមួយគ្រឿងមិនស្គាល់ម៉ាកពីក្រោយពេញទំហឹងកាលពីវេលាម៉ោង៦ និង១៥នាទីល្ងាច ថ្ងៃទី២៤ ធ្នូ ២០១៤ នៅលើកំណាត់ផ្លូវជាតិលេខ៦ ត្រង់ចំណុចភូមិសង្កើប ឃុំសំបូរ ស្រុកបាធាយ ។
តាមមន្ត្រីនគរបាលចរាចរស្រុកបាធាយប្រាប់ឲ្យដឹងថា បុរសដែលស្លាប់នោះ ត្រូវបានគេស្គាល់ឈ្មោះឃាន ហុន អាយុ៤៦ឆ្នាំ នៅភូមិដូង ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ ។
មន្ត្រីនគរបាលចរាចរស្រុកបាធាយបានប្រាប់បន្តថា បុរសរងគ្រោះនៅពេលមុនកើតហេតុបានជិះម៉ូតូចេញមកពីខាងព្រែកក្តាមក្នុងគោលបំណងត្រឡប់ទៅផ្ទះនៅស្រុកត្បូងឃ្មុំក្នុងទិសដៅពីលិចទៅកើត លុះមកដល់ត្រង់កន្លែងកើតហេតុ ទំនងជាងោកមួយភាំងក៏ជ្រុលទៅបុកគូទរថយន្តធំពីក្រោយបណ្តាលឲ្យស្លាប់ភ្លាមៗតែម្តង ចំណែកអ្នកបើករថយន្តបានរត់គេចខ្លួនបាត់ស្រមោល៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ